اباي مۇراجايىنىڭ جەتەكشىسى يكوم مەدالىمەن ماراپاتتالدى
ق ر مادەنيەت جانە سپورت مينيسترلىگىنىڭ باسپا ءسوز قىزمەتى حابارلاۋىنشا، بولات جۇنىسبەكوۆ بۇعان دەيىن جيىرما جىلعا جۋىق الماتى قالاسىندا ىشكى ساياسات پەن مادەنيەت سالالارىنا جەتەكشىلىك ەتىپ، بەس جىلدان استام ۋاقىت استانا قالاسىندا «الجير» مەموريالدىق مۇراجاي كەشەنى مەن « استانا» سۋرەت گالەرەياسىندا ديرەكتورى قىزمەتىن اتقارعان.
ءبىراق، بولات جۇنىسبەك ۇلى ءوزى: «بۇل مەدال، ەڭ الدىمەن، ۇلى اقىن مۇراجايى ۇجىمىنىڭ ەڭبەگىنە بەرىلگەن لايىقتى باعا»، - دەپ سانايدى. ۇلى اباي (يبراھيم) قۇنانباي ۇلى ءومىرى مەن قايتالانباس شىعارماشىلىعىنىڭ كۋاسىندەي اسىل مۇرانى كوزدىڭ قاراشىعىنداي ساقتاۋدان اسقان ابىروي جوق. سوعان وراي، حاكىم ابايدىڭ ەندى بەس جىلدان كەيىن بولاتىن تورقالى تويىنا دايىندىقتى قولعا العان مۇراجاي ۇجىمى ءوز الدارىندا تۇرعان زور جاۋاپكەرشىلىك جۇگىن تەرەڭ سەزىنەدى.
ب. جۇنىسبەكوۆكە « يكوم» مەدالىن، ونىڭ قازاقستانداعى ۇلتتىق كوميتەتتىڭ اتىنان رەسپۋبليكامىزدىڭ ۇلتتىق اكادەميالىق كىتاپحاناسىنىڭ ديرەكتورى ءۇمىتقان مۇڭالبايەۆا تاپسىردى.
ول سەمەيگە كەلگەن ءىسساپارىندا ابايدىڭ جيدەبايداعى، مۇحتار اۋەزوۆتىڭ بورىلىدەگى مۇراجاي- ۇيلەرىن ارالاپ كوردى جانە ۇلى اقىننىڭ ومىرىنە قاتىستى تاريحي ورىندارمەن تانىسىپ، مۇراجاي شىراقشىلارىنىڭ قىزمەتىنە شىن جۇرەكتەن تىلەكتەستىگىن «تاعى ءبىر ورالىپ كەلگەنشە اسىعامىن» دەگەن جىلى لەبىزىمەن ءبىلدىردى.
