ماشينيستەر ساقالدى الىپ تاستاۋ جونىندەگى مەترو تالابىنا قارسى شىعىپ، مەكەمەنى سوتقا بەردى - جاپونيا
مەتروپوليتەننىڭ ەكى قىزمەتكەرى كولىكتىك كاسىپورىن ۇستىنەن سوتقا ارىز-شاعىم ءتۇسىردى. وندا ولار بونۋستىق تولەم قىسقارتىلعانى ءۇشىن ءارقايسىسىنا 2,2 ميلليون يەن (19 مىڭ دوللاردان استام) وتەماقى تولەۋدى تالاپ ەتتى. ولاردىڭ ويىنشا، سىياقى كولەمى 2012 -جىلى ەنگىزىلگەن قىزمەتكەرلەردىڭ سىرت كەلبەتىنە قاتىستى تالاپتارعا سايكەس قىسقارعان.
50 گە جاقىنداعان ەكى ەر ادام وسى مەكەمەدە ون جىلدان استام ساقالمەن جۇرگەن. الايدا، جاڭا ەرەجەلەرگە سايكەس مەترو قىزمەتكەرلەرى يەكتەگى تۇگىن قىرىپ تاستاۋ مىندەتتەلگەن. وسى تالاپتا ايەل قىزمەتكەرلەر دەكوراتيۆتى كوسمەتيكا پايدالانۋعا ياعني ارلەنىپ ءجۇرۋ جۇكتەلگەن.
«مەن ساقالىمدى كۇتىپ ۇستادىم، وعان قاتىستى ەشبىر جولاۋشى شاعىمدانعان ەمەس»، - دەيدى ارىزدانۋشىنىڭ ءبىرى. ول ساقالىنا بولا سىرت كەلبەتى سۇيكىمسىز كورىنەدى دەگەن تالاپپەن كەلىسپەيتىندىگىن جەتكىزدى.
