پاۆلودار وبلىسىندا وندىرىلەتىن بيەنىڭ قۇرعاق سۇتىنە باشقۇرتستان كوز تىگىپ وتىر
بۇل تۋرالى اگەنتتىككە اۋداندىق اۋىل شارۋاشىلىعى ءبولىمىنىڭ مامانى اسقار شاكەنوۆ ءمالىم ەتتى. - قازىرگى تاڭدا باشقۇرتستان ەلىمەن ۇنتاق تۇرىندەگى قىمىزدى تاسىمالداۋ بويىنشا كەلىسىمشارت جۇرگىزىلۋدە. العاشقى پارتيانى بيىلعى جىلدىڭ ماۋسىم ايىندا شىعارۋ جوسپارلانىپ وتىر. شيپالى سۋسىننىڭ مۇنداي ءتۇرىن تاعام، فارماتسيەۆتيكالىق، كوسمەتولوگيالىق ونەركاسىپتە پايدالانۋعا بولادى. ناۋرىز مەرەكەسى قارساڭىندا كاسىبىن كەڭەيتىپ جاتقان اتالمىش شارۋا قوجالىعىنىڭ يەسى ساتبەك مۋكين قىمىز قۇيۋ تسەحىنىڭ تۇساۋكەسەرىن وتكىزبەك. الماتى قالاسىنان 11 ميلليون تەڭگەگە ساتىپ الىنعان جابدىق 2,5 ساعاتتا 800 ليتر قىمىز قۇيۋعا مۇمكىندىك بەرەدى. سونداي- اق قاراعاندى جانە اقتوبە وڭىرلەرىنەن دجابە، مۇعالجار تۇقىمداس 37 باس بيە، ءۇش ايعىر جەتكىزىلدى. 1800 شارشى مەتر بيە ساۋاتىن مال شارۋاشىلىعى كەشەنى سالىندى، - دەيدى ا. شاكەنوۆ.
قازىرگى ۋاقىتتا كاسىپورىندا ءوندىرىستى شيكىزاتپەن قامتيتىن 900 دەن استام ساۋىندى بيە بار. مۇندا تاۋلىگىنە 300-400 ليتر قىمىز وندىرىلەدى. شيپالى سۋسىندى كوبىنەسە استانالىق «انەر- ن س» كومپانياسى ءىرى كولەمدە ساتىپ اكەتەتىن كورىنەدى. ايتا كەتەرلىگى، «التاي» ش ق- نىڭ قىمىزى حالىقارالىق ساپا سەرتيفيكاتىنا يە. سونداي-اق، 2009 -جىلى قازاقستاننىڭ اتىنان بەرليندە وتكەن «جاسىل اپتالىق» اتتى حالىقارالىق كورمەگە قاتىسقان.
