ءومىر وسىنشالىقتى قىسقا ما؟

استانا. قازاقپارات - جاسى ۇلكەن قاريادان نەمەرەسى:

- اتا! ءبىر ادامنىڭ ءومىرى شامامەن قانشا ۋاقىت؟ - دەپ سۇراعاندا قاريا كۇلىمدەپ:

 -  ازان مەن ناماز اراسىنداعى ۋاقىت، بالام. نەمەرەسى تۇسىنبەگەن سىڭاي تانىتىپ:

- سوندا قالاي؟ ءومىر وسىنشالىقتى قىسقا ما نە؟ - دەپ سۇرايدى. اتاسى:

- ءيا، بالام! ءومىر نامازسىز ازان مەن ازانسىز نامازدىڭ اراسىنداي، - دەيدى. نەمەرەسى قايتا تاڭقالا سۇرايدى:

- نامازسىز ازان مەن ازانسىز ناماز دەگەن ءسوزىڭىزدى قالاي تۇسىنۋگە بولادى؟

- بوتاقانىم- اۋ، وتكەندە كورشىمىزدىڭ بالاسى تۋىلدى. ءسابيدىڭ قۇلاعىنا ازان ايتىلدى ەسىڭدە عوي؟

- ءيا.

- سول ازاننىڭ نامازى وقىلدى ما؟

- جوق.

- ول ازان «نامازسىز ازان» بولاتىن. ادام ولگەن كەزدە وقىلاتىن نامازدىڭ (جانازا نامازىنىڭ) ازانى بولمايدى. ول «ازانسىز ناماز» . ول نامازدىڭ ازانى ادام تۋىلعان كەزدە وقىلعان.

 

 دايىنداعان فايزۋللا تايتەليەۆ

ummet.kz