16:50, 15 - ناۋرىز 2016 | GMT +5
قۇرىلىسشىلار ۇيىقتاپ جاتقان جىگىتتىڭ ۇستىنەن بەتون قۇيىپ، تاپتاپ وتكەن
استانا. قازاقپارات - ءۇندىستاندا جەرگىلىكتى قۇرىلىسشىلاردىڭ جۇمىستاعى سالعىرتتىعى سالدارىنان ادام قازا تاپتى.
توعاندى تۇرعىزۋ كەزىندە جۇمىسشىلار قۇبىردا ۇيىقتاپ قالعان 24 جاستاعى ادامدى اڭعارماي ۇستىنەن سەمەنت قۇيعان.
جۇمىسشىلار بۇل جىگىتتى بايقاماي قالعانى بەلگىلى بولدى. سەمەنت قۇيعان سوڭ ولار الاڭدى تۇزەۋ ءۇشىن ارنايى تەحنيكامەن ءجۇرىپ وتكەن.
بۇل تۋرالى جىگىتتىڭ تۋىستارى ونىڭ جوعالعانى جونىندە پوليتسياعا حابارلاعان سوڭ بەلگىلى بولدى. ءسويتىپ، قۇرىلىسشىلار الدىمەن سەمەنتتەن شىعىپ تۇرعان قولدى بايقادى. كەيىن جوعالعاننىڭ ءمايىتىن تاپتى.
جۇمىسشىلار قولىمەن ىستەگەنىن موينىمەن كوتەرگىسى كەلمەي، جاسىرىنعان. ولارعا ادامدى ابايسىزدان ءولتىرىپ الدى دەگەن ايىپ تاعىلىپ وتىر.
