بالانىڭ سىمباتى دۇرىس قالىپتاسۋ ءۇشىن نە ىستەۋ كەرەك
الايدا، كوپ اتا- انالار بالالارىنىڭ دەنساۋلىعىنا ولاردىڭ ءبىر يىعى تومەن، نەمەسە بۇكىر بولىپ وسە باستاعاندا عانا الاڭداي باستايدى. بۇل تۋرالى mamaclub.ua حابارلايدى.
ەگەر بالانىڭ ومىرتقاسى دۇرىس جەتىلمەسە ونىڭ كوز جانارىنىڭ تومەندەۋىنە، جۇرەك تامىرلى جۇيەسىنىڭ بۇزىلۋىنا، تىنىس الۋىنىڭ ناشارلاۋىنا اكەپ سوعادى.
بالانىڭ سىمباتى ەڭ اۋەلى مەكتەپ كەزىنەن قالىپتاسا باستايدى. وقۋشىنىڭ ۇستەلگە نە پارتاعا جاتىپ جازۋىنىڭ، تىك وتىرماۋىنىڭ كەسىرىنەن ونىڭ ومىرتقاسىنىڭ قيسايادى. جازۋ داپتەرى مەن وقۋشىنىڭ ارا قاشىقتىعى 35-40 س م بولۋ كەرەك. كىتاپ وقۋداعى ارا قاشىقتىق تا وسى شامادا. جانە كىتاپ وقۋ ءۇشىن ارنايى كوتەرگىش قۇرال پايدالانىلۋى كەرەك. ونىڭ سول جاعىنان ۇستەل شامى ءتۇسىرىلىپ، سول ۋاقىتتا توبە شامى دا جانىپ تۇرۋى ءتيىس.
كەيبىر بالالاردىڭ بويى پارتامەن سايكەس كەلمەيتىندىكتەن ولار قيسايىپ وتىرادى. بۇل دا بالانىڭ ومىرتقاسىنىڭ قيسىق جەتىلۋىنە اسەر ەتەدى. سوندىقتان وقۋشىلارعا ۇستەل، ورىندىق تاڭداعاندا جاۋاپكەرشىلىكپەن قاراۋ كەرەك.
سونداي- اق، وقۋشىلاردىڭ ءبىر ياقتى ءارى اۋىر سومكە ۇستاۋى دا دۇرىس ەمەس. ونداي جاعدايدا بالانىڭ ءبىر يىعى اۋىر سالماقتان تومەن ءتۇسىپ، باسى ەكىنشى جاعىنا قاراي قالىپتاسىپ كەتۋى مۇمكىن. سوندىقتان ەڭ دۇرىسى ەكى يىقتى پورتفەل ۇستاعانى ابزال. ول ەكى يىققى بىردەي سالماق ءتۇسىرىپ، دەنەنى تىك ۇستاپ تۇرادى.
ەگەر ءسىزدىڭ بالاڭىز كوبىنە دەنەسىنىڭ ءبىر جاق بولىگىمەن جۇمىس ىستەيتىن سپورت تۇرىمەن، ماسەلەن ۇستەل تەننيسىمەن، اينالىساتىن بولسا، ونىڭ ومىرتقا جۇيەسىنىڭ بۇزىلۋى مۇمكىن.
مايتابان بولۋىنىڭ اسەرىنەن دە سالماقتى قالىپتى ۇستاۋ ءۇشىن ادامعا ەڭكەيىپ ءجۇرۋ كەرەك بولادى. وسىدان باستاپ ادامنىڭ ءجۇرىسى بۇزىلادى. مايتاباندىق ولىمگە اپاراتىن اۋرۋ ەمەس. الايدا ونىڭ سالدارىنان اياق تەز تالىپ، تىزەگە كوپ كۇش تۇسەدى.
جۇمساق توسەكتەن بالانىڭ ومىرتقا مۇشەسى قيسايۋى مۇمكىن. سوندىقتان بالاڭىزعا كورپە تاڭداۋدا مۇقيات بولىڭىز.
بالانىڭ سىمباتىنىڭ دۇرىس قالىپتاسىپ، ومىرتقا مۇشەسىن تۇزەۋ ءۇشىن جاتتىعۋلار مەن ماسساجدارعا اپارىپ، قالپىنا كەلتىرسە بولادى.
