پاۆلودارلىق ۇستاز رەسەيدە «التىن قانات» ءتوس بەلگىسىمەن ماراپاتتالدى

استانا. قازاقپارات - رەسەي فەدەراتسياسىنىڭ ماسكەۋ قالاسىندا «جاڭا تەحنولوگيالار جانە پەداگوگيكالىق تاجىريبە» تاقىرىبىندا وتكەن عىلىمي- تاجىريبەلىك كونفەرەنسياسىنىڭ قورىتىندىسى بويىنشا ق ر پاۆلودار وبلىسى جەلەزين اۋدانى وزەرنىي مەكتەبىنىڭ حيميا جانە بيولوگيا ءپانى مۇعالىمى امانجول يسابەكوۆ «التىن قانات» ءتوس بەلگىسىنە يە بولدى، دەپ حابارلايدى pavlodarnews.kz.

وبلىستىق ءبىلىم بەرۋ باسقارماسى ۇسىنعان اقپاراتقا سۇيەنسەك، امانجول يسابەكوۆتىڭ «بيولوگيا جانە حيميا ساباقتارىندا اقپاراتتىق-كوممۋنيكاتسيالىق تەحنولوگيالاردى پايدالانۋ» بايانداماسىن اقتوبە قالاسىنىڭ حالىقارالىق ەكولوگيا جانە ينجەنەريا اكادەمياسى ماسكەۋ قالاسىنا عىلىمي- تاجىريبەلىك كونفەرەنسياعا جىبەرگەن.

- كونفەرەنسيا عىلىمي ماقالالار جيناعىن جاريالاۋمەن جىلىنا 1 رەت وتكىزىلەدى. شاراعا شىعارماشىلىق، زەرتتەۋ جۇمىسىمەن اينالىساتىن قازاقستان رەسپۋبليكاسى جانە رەسەي فەدەراتسياسىنىڭ جالپى ءبىلىم بەرۋ مەكتەپتەرىنىڭ، كوللەدجدەر مەن جوعارى وقۋ ورىندارىنىڭ 100 دەن استام مۇعالىمى قاتىستى، - دەيدى ا. يسابەكوۆ.