رينات زايىتوۆتىڭ ءوزى قاتاڭ سىنعا ۇشىرادى
ۇستازداردى قولداۋ ورتالىعىنىڭ جەتەكشىسى سەرجان قاسەن اقىننىڭ «ايتۋعا اڭاي» باعدارلاماسىندا ايتقان سوزدەرىنە قاراپ، ونىڭ بويىنداعى سوزىنە ساي ەمەس بىرنەشە قاتەلىكتەردى ءتىزىپ بەرگەن.
سونداي-اق اقىندى «شىندىقتىڭ جۇگىن جالعىز ارقالاعان «باتىر» سەزىنەدى ءوزىن. ءارى الدىندا وتىرعان روزا رىمبايەۆا سىندى ونەر مايتالماندارىنىڭ الدىندا سويلەگەن سوزدەرى ادەپسىزدەۋ كورىندى» دەيدى.
بۇل تۋرالى stan.kz سايتى حابارلايدى.
«ەشكىمگە ەلىكتەمەي ءومىر ءسۇرۋ بۇدان بىلاي مۇمكىن ەمەس، رينات مىرزا ەشكىمگە ەلىكتەمەسە نەگە باتىستىڭ كاستيۋمىن كيىپ ءجۇر، نەگە قازاقشا شاپان مەن ساپتاما ەتىك كيىپ كەلمەيدى، نەمەسە ءوزى ويلاپ تاپقان ستيلدە كيىنىپ كەلمەيدى. ەلىكتەمەسەك وندا ەلەكتروندى ينسترۋمەنتتەن مۇلدەم باس تارتىپ ۇلتتىق اسپاپپەن عانا ءان سالايىق، ەسترادا جانرىن قۇرتايىق، ءۇيىمىزدى ەۆروپاشا ساندەمەيىك، دجينسي كيمەيىك»، - دەيدى بەلسەندى جەكە پاراقشاسىندا.
ودان ءارى بەلسەندى باعدارلاما بارىسىندا رينات زايىتوۆتىڭ وكتەمىرەك سويلەپ، سۇيكىمسىز كورىنگەنى جايلى ايتادى.
«رينات پافوس قۋعان ادام، وسپان باتىر تۋرالى ايتقانى شىندىققا جاناسپايدى، «91» توبى جوق بولسا دا ريناتتىڭ بالالارى سول تەكتەس شەتەلدىك توپتاردى تىڭداي بەرەدى. روزا اپاي وتە ءساليحالى كىسى عوي، ريناتتىڭ وكتەم سويلەگەنىنىڭ ءوزى تىم سۇيكىمسىز كورسەتەدى. شىندىقتىڭ جۇگىن جالعىز ارقالاعان «باتىر» سەزىنەدى ءوزىن»، - دەپ جازادى سەرجان قاسەن.
بۇدان بولەك ەربولات بەدەلحاننىڭ جارى اسىل بەدەلحان رينات زايىتوۆتىڭ ويىنا بايلانىستى ءوز پىكىرىن بىلدىرگەن ەدى.
«رينات زايىتوۆتىڭ «Ninety one» توبىنىڭ جىگىتتەرىنە ايتقانى: اكەمنىڭ اسكەردە تۇسكەن سۋرەتى بار. مەن ول سۋرەتتى الىپ: «مىناۋ مەنىڭ اكەم!» دەپ ماقتانىپ كورسەتە الامىن. ەرتەڭ سەندەردىڭ بالالارىڭ بولادى، ولار: «مىناۋ مەنىڭ اكەم!»، - دەپ كورسەتكەن كەزدە وسىنداي تۇرلەرىڭدى كورسەتە مە؟!». پى/سى: بۇل تەك اتالمىش توپتىڭ جىگىتتەرىنە عانا ەمەس، ءىرىپ-ءشىرىپ جۇرگەن بارلىق جاستارعا ارنالعان دەپ بىلەمىن. ويلانىڭىزدار! اسكەردەگى جىگىت پەن ساحناداعى جىگىتتىڭ ايىرماشىلىعى بار. رينات ءوزىنىڭ فوتوسىن جوندەپ السىن الدىمەن. ءبىر ايتقان ءسوزى بار حالىققا: «مەن اراق ىشەم، ايەلىمدى جىلاتىپ تۇرىپ قىزدارعا بارامىن دەگەن. ەندى تۋعان بالالارى نە دەيدى سۋرەتىنە قاراپ؟؟؟ قۇران، قازاعىم دەپ وتىرعان ادام مۇنداي قىلىق جاساعانى قالاي؟»، - دەپ جازادى ەربولاتتىڭ جارى اسىل بەدەلحان.
«91» توبىنىڭ توڭىرەگىندەگى داۋ بويىنشا بۇگىن تورەعالي تورەالى ءوز پاراقشاسىنا تاعى جازعان ەدى. وندا بۇگىندە ساحنادا ءان ورىنداپ جۇرگەن ءانشى ولەڭدەتە وتىرىپ، رينات اعاسىنا العىس ايتىپ، الىدە بولسا «91» توبىنىڭ كيىم ۇلگىسى مەن اتاۋىنىڭ ءوزى وزگەرسە ەكەن تىلەگىن ايتقان.
