قازاقستاننىڭ باتىسىندا كورىسۋ ايتى تويلانۋدا
بۇل كۇنى جاسى كىشىلەر ەلدىڭ ۇلكەندەرىنە بارىپ، كورىسىپ، باتاسىن الادى. كورىسۋ ايتى كەزىندە داستارحان جايىلىپ، مەيرام رەتىندە اتالىپ وتىلەدى.
ادامدار ءبىر- بىرىنە قۇشاق جايىپ، ەمەن- جارقىن امانداسىپ، رەنىشتەرى بولسا، كەشىرەدى. «ايتتان ايتقا امان- ەسەن جەتەيىك!» دەپ اق تىلەكتەرىن بىلدىرەدى. مۇنداي ۇلتتىق مەيرامعا تەرىس قاراعان كەڭەس ءداۋىرى كەزىندە دە كورىسۋ كۇنى ۇمىت قالعان جوق.
وسى ەجەلگى مەيرامدى جاڭعىرتا ءتۇسۋ ماقساتىندا وبلىستىق جاستارمەن جۇمىس جونىندەگى رەسۋرستىق ورتالىعى بۇگىن «كورىسىپ، باتاسىن ال اقساقالدىڭ» اتتى مەرەكەلىك شارا ۇيىمداستىرىپ وتىر. ورتالىقتان تۇسكەن مالىمەتكە قاراعاندا، جاستار ورال قالاسىنداعى زيالى قاۋىم وكىلدەرى مەن قوعام قايراتكەرلەرىنە، مايدانگەرلەر مەن ءبىلىم سالاسىنىڭ ارداگەرلەرىنە ارنايى بارىپ، كورىسىپ، مەرەكەلىك كوڭىل- كۇي سىيلاماقشى.
ايتا كەتەيىك، كورىسۋ كۇنى ماڭعىستاۋ وبلىسىندا امال مەيرامى رەتىندە تويلانادى.
اۆتور: ەلجان ەرالى
