زەرتتەۋ: بويى الاسا ەر ادامدار مەن تولىق ايەلدەردىڭ تابىسى از بولادى

استانا. قازاقپارات - بويى الاسا ەر ادامدار مەن تولىقشا كەلگەن ايەلدەر وزدەرىن تومەن باعالاپ قانا قويمايتىنى انىقتالدى. زەرتتەۋ كورسەتكەندەي، بۇل ادامداردىڭ تابىس دەڭگەيى دە تومەندەتىلگەن. جانە جالپى العاندا ومىردە تابىسقا جەتۋ مۇمكىندىكتەرى ازداۋ.

ەكسەتەر ۋنيۆەرسيتەتىنىڭ عالىمدارى 40 پەن 70 جاس ارالىعىنداعى  120000 ادامنىڭ مالىمەتتەرىن تالداپ شىقتى، دەپ باياندايدى The Hindustan Times.

زەرتتەۋشىلەر ادامنىڭ بويىمەن بايلانىستى 400 گەنەتيكالىق نۇسقا مەن دەنە ماسساسىنىڭ يندەكسىنە (د م ي) قاتىستى 70 نۇسقانى زەرتتەپ شىقتى. ودان كەيىن ولار مالىمەتتەردى قاتىسۋشىلاردىڭ وزدەرى جايىندا حابارلاعان اقپاراتپەن سايكەستەندىردى.

 ماماندار ءوز ارىپتەستەرىنەن 7,5 سانتيمەتر تومەنىرەك بولعان ەر ادامدار گەنەتيكا سەبەبىمەن جىلىنا شامامەن 2130 دوللار از تابىس تاپقانىن انىقتاعان. تۋرا سونداي جاعداي گەندەرىنىڭ سالدارىنان تۋرا سونداي بويى بار ارىپتەستەرىنەن سالماعى 6,3 كەلى كوپ بولعان ايەلدەرگە دە قاتىستى بولدى. ولاردىڭ جىلدىق تابىسى 2130 دوللارداي تومەن بولدى.