ىستىقكولدە ەجەلدە ءومىر سۇرگەن بەلگىسىز جانۋاردىڭ قالدىقتارى تابىلدى

استانا. قازاقپارات - ىستىقكولدە جەرگىلىكتى تۇرعىندار ەجەلدە ءومىر سۇرگەن جانۋاردىڭ قالدىقتارىن تاۋىپ الدى، - دەپ حابارلايدى «ۆەچەرني بيشكەك» قىرعىزستان ۇكىمەتىنىڭ وڭىردەگى قۇزىرلى وكىلىنىڭ باسپا ءسوز قىزمەتىنە سىلتەمە جاساپ.

جىرعالاڭ وزەنىنىڭ جوعارى جاعىنداعى قۇلاما جارعا جاقىن ماڭدا ورنالاسقان اۋىلدىق جەردە قازبا جۇمىستارىن جۇرگىزۋ بارىسىندا جانۋاردىڭ باسىنىڭ جوعارعى بولىگى، ازۋى مەن تىستەرى تابىلدى. ونىڭ قانداي جانۋاردىكى ەكەنى ازىرشە بەلگىسىز، الايدا نەگىزگى ەكى نۇسقا بار - ول مامونتتىڭ نەمەسە ماستودونتتىڭ سۇيەكتەرى بولۋى مۇمكىن. جانۋاردىڭ قالدىقتارى تابىلعان جەر قورشالىپ، كۇزەت قويىلدى.

جاقىندا بۇل جەرگە ۇلتتىق عىلىم اكادەمياسىنىڭ عالىمدارى كەلەدى دەپ كۇتىلىپ وتىر. «جانۋار قالدىقتارىنىڭ ىستىقكولدەن تاريح جانە مادەنيەت جىلىندا تابىلۋىنىڭ سيمۆولدىق ءمانى بار، ونىڭ ىستىقكول وبلىسىنىڭ كليماتى مەن بيولوگيالىق ارتۇرلىلىگى جايىندا جاڭا ماعلۇماتتار الۋعا مۇمكىندىك بەرەرى ءسوزسىز، سونىمەن قاتار، تاريحشىلاردىڭ، ارحەولوگتاردىڭ جانە پالەونتولوگتاردىڭ ىزدەۋلەرىنە شابىت بەرەدى»، - دەدى قىرعىزستان ۇكىمەتىنىڭ وڭىردەگى قۇزىرلى وكىلى اسحات اكيبايەۆ.

tengrinews.kz