قۇران مۋزەيى جازعا قاراي اشىلادى

 استانا. قازاقپارات - تاتار حالقى 2015-جىلى بولگار جانە سۆياجسك قالالارىن قالپىنا كەلتىرۋ جۇمىستارىنا جالپى كولەمى 809 ميلليون رۋبل جۇمساعان.

بۇل جايىندا مەملەكەتتىك حاتشى، «ۆوزروجدەنيە» قورىنىڭ اقىلداستار القاسىنىڭ باسشىسى مينتيمەر شايميەۆتىڭ توراعالىعىمەن وتكەن باسقوسۋدا ءمالىم بولدى.

اتالمىش قوردىڭ اتقارۋشى ديرەكتورى تاتيانا لاريونوۆا كەلتىرگەن مالىمەتتەر بويىنشا، 2015-جىلى اتالمىش قالالار اۋماعىندا قازبا جۇمىستارى جۇرگىزىلگەن. جينالىستا قوزعالعان ماسەلەلەردىڭ تاعى ءبىرى قۇران مۋزەيىنىڭ قۇرىلىسىن تەزىرەك اياقتاۋ بولدى.

قۇرىلىس جۇمىستارىن مامىر ايىنىڭ سوڭىنا قاراي اياقتاۋ جوسپارلانىپ وتىر. جاز ايلارىندا كەلۋشىلەرگە ەسىگىن ايقارا اشاتىن مۋزەي جادىگەرلەرى ءارتۇرلى كەزەڭدەردەگى قاسيەتتى كىتاپتىڭ نۇسقالارى بولماق.

muslim.kz