تەگىن تاماقتاندىراتىن مەيرامحانا اشىلدى

استانا. قازاقپارات - امەريكانىڭ كانزاس- سيتي قالاسىندا مۇقتاج جانداردى تاماقتاندىرۋعا ارنالعان ارنايى مەيرامحانا ءوز جۇمىسىن باستادى.

كىرەبەرىستەن كۇتىپ الىپ، داستارحانعا جايعاستىرىپ، قولىڭىزعا اس ءمازىرىن ۇسىناتىن بۇل مەيرامحانانىڭ قىزمەت كورسەتۋىندە باسقالاردان ەش ايىرماشىلىق جوق. باستى ەرەكشەلىك - اۋقاتتانىپ بولعاسىن اقشا تولەمەيسىز. ول ءۇشىن جۇمىس كۇندەرى ساعات 11.00-14.00. ارالىعىندا كەلسەڭىز بولعانى.

بۇل جەردەگى تاعامداردى كانزاس- سيتيدەگى اتاقتى مەيرامحانالاردىڭ قوجايىنى مايكل كارريدىڭ ءوزى دايىندايتىن كورىنەدى. ول ءوزىنىڭ ءبىر كەزدەرى مۇقتاجدىقتا ءومىر سۇرگەنىن، قايىرىمدى جانداردىڭ كومەگىمەن تالاي رەت تەگىن تاماقتانعانىن ەسىنە الادى. ەڭبەگى جانىپ، بۇگىندە بايلىققا قولى جەتكەن ول مۇقتاج جاندارعا وسىلاي جاردەمدەسۋدى ءجون ساناعان.

 muslim.kz