ناسا: وسى جولعى اقپان بۇكىل تاريحىمىزداعى ەڭ جىلى اي بولدى

استانا. قازاقپارات - وسى جولعى اقپان باقىلاۋ تاريحى بويىنشا ەڭ جىلى اي بولدى، دەپ حابارلادى عارىش سەرىكتەرىنەن الىنعان دەرەكتەر نەگىزىندە ناسا ساراپشىسى.

عالىمدار بۇعان سەبەپ انتروپوگەندىك جاھاندىق جىلىنۋ ۇدەرىسىمەن رەكوردتىق قۋاتتى «ەل-نينو ىقپالىنىڭ» پايدا بولۋىمەن ءتۇسىندىردى، دەپ حابارلادى BBC ورىس قىزمەتى.

ناسا ولشەمى بويىنشا جەر بەتىندە جاھاندىق ورتاشا تەمپەراتۋرا وسى اقپاندا 1951-1980-جىلدارداعى باقىلاۋ كەزەڭىنىڭ وسى ايداعى ورتاشا مانىنە قاراعاندا، 1,35 گرادۋس جوعارى بولعان.

بۇل اۋىتقۋ بارلىق عىلىمي مەتەوباقىلاۋ ۋاقىتىندا ەڭ ەلەۋلىسى دەۋگە بولادى.

ناسا ماماندارى 1998-جىلعى جىلى اقپان دا قارقىندى ەل-نينو جىلى بولعانىنا ءمان بەرۋدە. الايدا ورتاشا تەمپەراتۋرادان اسۋ تەك 0,846 گرادۋستى قۇرادى.