بوكس: د. ەلەۋسىنوۆ پەن ۆ. لەۆيت ەۋروپادا وتكەن تۋرنيردە جەڭىمپاز اتاندى
ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ باسپا ءسوز حاتشىسى باقىتبەك حاميتتىڭ حابارلاۋىنشا، قازاقستان ۇلتتىق قۇراماسىنىڭ كاپيتانى دانيار ەلەۋسىنوۆ اۋەلى شۆەد وليۆەر فلودين، سوسىن فرانسۋز سۋلەيمان چيسوكونى 3:0 ەسەبىمەن ۇتتى. فينالدا ەۋروپا چەمپيونى، ليتۆالىق ەيمانتيس ستانيونيستى 2:1 ەسەبىمەن تىزە بۇكتىرگەن دانيار ءوزىنىڭ 25 كە تولعان تۋعان كۇنىندە جەڭىس تۇعىرىنا كوتەرىلدى.
ۆاسيلي لەۆيت تە العاشقى ەكى كەزدەسۋىن ۋەلس ەلىنىڭ وكىلى كودي دەۆيس پەن فين توني حونكانى 3:0 ەسەبىمەن جەڭدى. فينالدا يرلاندىق داررەن و'نيل جاراقاتىنا بايلانىستى رينگكە شىعۋدان باس تارتتى.
وسى جارىسقا وليمپيادا ليتسەنزياسىن يەلەنگەن ءبىرجان جاقىپوۆ پەن بەرىك ءابدراحمانوۆ تا قاتىسقان بولاتىن، ءبىراق ولار ءساتتى ونەر كورسەتە العان جوق. بۇل تۋرنير، ءبىر جاعىنان، وليمپيادا جولداماسىن ەنشىلەگەن قازاقستاندىق بوكسشىلار ءۇشىن جىلدىڭ باستى جارىسىنا دايىندىق ەسەبىندە بولدى.
اۆتور: ەلجان ەرالى
