شىمبۇلاقتا ماسلەنيتسانىڭ سوڭعى كۇنىن اتاپ ءوتتى - فوتو

الماتى. قازاقپارات - الماتىداعى «شىمبۇلاق» تاۋ-شاڭعى كۋرورتىندا ماسلەنيتسا مەرەكەسى اتالىپ ءوتىلدى.

بۇل كۇنى كۋرورت قوناقتارىنىڭ الدىنا ءداستۇرلى سىي تاعام - قۇيماق قويىلدى.

جيىن اجارىن بيشىلەر مەن حور انشىلەرى اشا ءتۇستى.

«بۇگىن ماسلەنيتسانىڭ سوڭعى كۇنى - كەشىرىم سۇراۋ جەكسەنبىسى. ياعني، حريستياندار قۇدايدان جانە ءبىر-بىرىنەن كەشىرىم سۇرايدى. «شىمبۇلاقتا» اۋا رايى تامىلجىپ تۇر، كوكتەمنىڭ لەبى سەزىلەدى. ءبارىنىڭ كوڭىل كۇيى كەرەمەت!» - دەيدى ۇيىمداستىرۋشىلار.