تۇركيادا جارىلىستان كەيىن «فەيسبۋك» جانە «تۆيتتەر» الەۋمەتتىك جەلىلەرى بۇعاتتالدى
مۇنداي شەشىم جەكسەنبى كەشكە قالادا ورىن العان جارىلىسقا بايلانىستى بولىپ وتىر. سوڭعى اقپارات بويىنشا، وقيعادان 34 ادام قازا تاۋىپ، 125 ءى جارالاندى.
بيلىك وقيعا ورنىنان فوتولار مەن ۆيدەولاردى كۋاگەرلەر كوپ تاراتپاۋى ءۇشىن الەۋمەتتىك جەلىلەردى بۇعاتتاۋ قاجەت بولعاندىعىن جەتكىزدى.
وقيعا بولعان جەردەن وسى ۋاقىتقا دەيىن ءبىرقاتار سۋرەتتەر الەۋمەتتىك جەلىلەردە جاريالانىپ ۇلگەردى.
جارىلىس انكارا قالاسىنداعى باستى كوشەلەردىڭ قيىلىسىندا جەرگىلىكتى ۋاقىتپەن 18:40 تا (استانا ۋاقىتىمەن ساعات: 22:40) بولدى. سول جەردە كوپ ادام جينالعان ايالداما بولعان.
جارىلىسقا قاتىستى لاڭكەستىك ۇيىمدار ءازىر مالىمدەمە جاريالاعان جوق. رەيتەر اگەنتتىگىنىڭ حابارلاۋىنشا، تۇرىك ارنايى قىزمەتىنىڭ وكىلى بيلىك بۇعان «كۇردىستان جۇمىس پارتياسى» نەمەسە وسى ۇيىمعا قاتىستى ادامداردى كۇدىكتى بولۋى مۇمكىن دەپ سانايتىنىن ايتقان.
