ماسكەۋدەگى ءسان اپتالىعىندا قازاقستاندىق ديزاينەرلەردىڭ كيىم ۇلگىلەرى جوعارى باعالاندى

استانا. قازاقپارات - شىعىس ەۋروپاداعى ەڭ اۋقىمدى ءسان اپتالىعىن قازاقستاندىق ديزاينەرلەر اشتى.

ماسكەۋدەگى مانەج كورمە زالىندا رەسەيدىڭ جانە جاقىن الىس شەتەلدەن كەلگەن 70 كە جۋىق سانگەردىڭ كورسەتىلىمى ءوتتى. ولاردىڭ قاتارىندا وتاندىق الەكس جەن، شاتباي حافيزحان سەكىلدى اتاقتى برەند ۇلگىلەرى بار.

قازاقستاندىقتاردىڭ ونەرىن تاماشالۋعا 50 مىڭعا جۋىق ادام جينالىپتى. ءسان يندۋسترياسىنىڭ ساراپشىلارى مەن قوناقتارى وتاندىق ونىمگە جوعارى باعاسىن بەردى.

سايات دوسىبايەۆ، Kazakhstan Fashion باس پروديۋسەرى:

- مۇندا ءبىز كورسەتكىمىز كەلگەن ەڭبەكتىڭ از بولىگى عانا تاماشالاندى. شىن مانىندە مۇندا كىمدى الىپ كەلەمىز دەگەندە قاتتى قينالدىق. كەلەسى ماۋسىمدا وزگە ديزاينەرلەردىڭ جۇمىسىن كورسەتۋگە تىرىسامىز.

www.24.kz