14:27, 13 - ناۋرىز 2016 | GMT +5
برازيليادا بانك توناماقشى بولعان ەر ادام كۇلكىگە قالدى
استانا. قازاقپارات - برازيليادا بانكتى توناماقشى بولعان ەر ادام ۆيدەوعا ءتۇسىپ قالدى، - دەپ حابارلايدى LifeNews.
كادردان باسىنا موتوتسيكل جۇرگىزگەندە كيۋگە ارنالعان شلەمدى كيىپ العان ەر ادامنىڭ تەرەزەگە جاقىنداعانىن كورۋگە بولادى. ول قالتاسىنان تاپانشانى الىپ شىعىپ، الدىندا تۇرعان سورەگە قويىپ، بالعانى الىپ شىعۋ ءۇشىن ەدەندەگى سومكەسىنە ەڭكەيەدى. وسى كەزدە بانككە كەلۋشىلەردىڭ ءبىرى تاپانشانى بىلدىرمەي الىپ، قاشادى.
توناۋشى بالعاسىمەن شىنىنى شاعۋعا تىرىسىپ، بىرنەشە رەت ۇرعاننان كەيىن مۇنىسىنان تۇك شىقپايتىنىن ءتۇسىنىپ، قاشۋعا بەل شەشەدى. وسىدان كەيىن ەر ادامنىڭ ەسىنە تاپانشاسىن ۇمىتىپ كەتكەنى ءتۇسىپ، وقيعا ورنىنا قايتا كەلەدى، ءبىراق ول جەردە قارۋدىڭ جوق بولىپ شىققانى توناۋشىنى قاتتى تاڭعالدىردى.
