اقتاۋلىق كاسىپكەر ۇلتتىق ناقىشتا بەزەندىرىلگەن ساپالى جيھازدار شىعارادى
ماسەلەن، جەڭىلدەتىلگەن نەسيەنىڭ ارقاسىندا اقتاۋداعى جيھاز تسەحىنىڭ ءىسى العا باستى، دەپ حابارلادى www.24.kz.
جەكە كاسىپكەر مەملەكەتتىڭ قولداۋىنا يە بولىپ، كاسىپورنىنا جاڭا قوندىرعىلار ساتىپ الدى. قازىر ول ۇلتتىق ناقىشتا بەزەندىرىلگەن ساپالى جيھازدار شىعارادى. جيھاز سەحىنىڭ جۇمىسى جاندانعان. شەبەرلەر سوڭعى ۇلگىدەگى ءۇي مەن كەڭسە جيھازدارىنىڭ سان ءتۇرىن ازىرلەيدى. وندىرىستەگى قوندىرعىلار ساپالى ءونىم شىعارۋعا تولىقتاي مۇمكىندىك بەرەدى. جەكە كاسىپكەر مەملەكەت قولداۋىمەن جەڭىلدەتىلگەن نەسيە الىپ، كاسىپورنىن جاڭعىرتتى. جاڭا قوندىرعىلار الىپ، ءىسى دە العا باستى. 14 ادامدى جۇمىسپەن قامتىدى. بۇگىندە مەكەمەلەردەن ءىرى كولەمدە تاپسىرىستار قابىلداۋدا.
«بيزنەستىڭ جول كارتاسى-2020» باعدارلاماسى اياسىندا 6 ميلليون تەڭگە سۋبسيدياعا قول جەتكىزدىم. ونىڭ جارتىسىن ءوزىم، قالعانىن مەملەكەت تولەيدى. 2 قوندىرعى مەن قاجەتتى ماتەريالدار الدىم. بۇرىندارى بىزدەر تەك قانا كورپۋستى جيھاز جاساعان بولاتىنبىز. ەندى جاڭا قوندىرعىلاردىڭ ارقاسىندا اعاشتاردىڭ بەتىنە ءتۇرلى ويۋ-ورنەكتەر سالىپ، ءساندى جيھازدار شىعارىپ جاتىرمىز. جۇمىسشىلار سانى ارتىپ، تاپسىرىس بەرۋشىلەر دە كوبەيدى»، - دەيدى جيھاز سەحىنىڭ باسشىسى سەرىك ءاشىموۆ.
ساۋلەتى مەن ءسانى جاراسقان جايلى مەكەن. شىعىس ستيلىندە بەزەندىرىلىپ، ويۋلارمەن ورنەكتەلگەن جيھازدار اقتاۋداعى تانىمال ءسان ۇيىنە سالتانات سىيلاعانداي. ديزاينەرلەر وتاندىق ونىمدەرگە العاشقىلاردىڭ ءبىرى بولىپ تاپسىرىس بەرىپتى. ناتيجەسى كوڭىل قۋانتادى.
«ءسان ۇيىنە ءسان بەرگەن سياقتى. كەلۋشىلەر دە قىزىعىپ جاتادى. ادەمى جەر، ادەمى جيھازداردى كورگەندە دەمالىپ كەتەمىز، ەنەرگيا الامىز دەپ جاتىر. شىعىس ستيلىندەگى ينتەرەر ءبىزدىڭ ءسان ۇيىمىزگە ابدەن لايىقتى»، - دەيدى ءسان ءۇيىنىڭ اكىمشىسى ءنۇربيبى ساقتاعانوۆا.
قارجىلاي قولداۋ كورگەن كاسىپكەرلەر مەملەكەتتىك باعدارلامالارعا ءدان ريزا. ماسەلەن وتكەن جىلى «بيزنەستىڭ جول كارتاسى-2020» باعدارلاماسى بويىنشا 5 ميلليارد تەڭگەگە 124 جوبا جۇزەگە اسقان. سونىڭ ارقاسىندا مىڭنان استام ادام جۇمىسپەن قامتىلدى. ال بيىل وڭىردەگى تۋريزم سالاسىن دامىتامىن دەۋشى كاسىپكەرلەرگە 1 ميلليارد تەڭگەگە جۋىق قاراجات قاراستىرىلىپ وتىر.
