وسكەمەندە جوعالىپ كەتكەن جاۋىنگەر الماتىدان تابىلدى

استانا. قازاقپارات - ق ر قورعانىس مينيسترلىگى وسكەمەندەگى اسكەري بولىمدەردىڭ بىرىنەن اسكەري قىزمەتشىنىڭ جوعالىپ كەتۋىنە بايلانىستى رەسمي تۇسىنىكتەمە بەردى.

ۆەدومستۆو اقپاراتىنا قاراعاندا، دەمالعىسى كەلگەن كەلىسىمشارت جاۋىنگەرى ءوز بەتىنشە قىزمەتتىك ورنىن تاستاپ كەتىپ قالعان.

«بۇگىن 12 -ناۋرىز كۇنى ساعات شامامەن 00 :13 دە الماتى وڭىرلىك گارنيزونى اسكەري پوليتسياسىنىڭ جەدەل توبى الماتى قالاسىنداعى سايران اۆتوبەكەتى ماڭىنان وسى ۋاقىتقا دا دەيىن قىزمەتىنە كەلمەي جوعالدى دەپ سانالىپ كەلگەن كەلىسىمشارت ەفرەيتورى داۋلەت ورىنبايەۆتى ۇستادى»، - دەلىنگەن حابارلامادا.

مينيسترلىكتىڭ حابارلاۋىنشا، ول 1 -ناۋرىزدان بەرى وسى ۋاقىتقا دەيىن الماتى قالاسىندا بولعان.

«ورىنبايەۆ ۋاقىتىن ءوز قالاۋىنشا وتكىزگەن. اسكەري قىزمەتشىنىڭ دەنى ساۋ، ول ءوزىنىڭ بۇل قادامعا دەمالعىسى كەلگەن سوڭ بارعانىن ايتۋدا. بۇگىنگى تاڭدا اتالعان فاكتى بويىنشا سوت الدى تەرگەۋدىڭ ءبىرىڭعاي تىزبەسىنە قىلمىستىق ءىس تىركەلگەن. وسكەمەن اسكەري پوليتسياسى ءبولىمدى ءوز ەركىمەن قالدىرىپ كەتۋ فاكتىسى بويىنشا تەرگەۋ جۇرگىزۋدە»، - دەلىنگەن حابارلامادا.

 اۆتور: مارلان جيەمباي