اتىشۋلى سنوۋدەن ا ق ش- قا قايتا ورالعىسى كەلەتىنىن مالىمدەدى

استانا. قازاقپارات - بۇرىنعى امەريكالىق ارنايى قىزمەت قىزمەتكەرى ەدۆارد سنوۋدەن ا ق ش- قا قايتا ورالعىسى كەلەتىنىن مالىمدەدى، الايدا قاي جەردە بولعانىنا قاراماستان، ءوز قىزمەتىن جالعاستىرۋعا نيەتتى.

بۇل تۋرالى ۇلتتىق قاۋىپسىزدىك اگەنتتىگى (ۇ ق ا) تىڭشىلىق جۇيەسىنىڭ وكىلى برۋكلين مۋزىكالىق اكادەمياسىندا ۆيدەوكونفەرەنسيا بارىسىندا مالىمدەدى، دەپ حابارلادى ر ي ا نوۆوستي.

«ماعان جانە وسى ماسەلەدە، سونىمەن بىرگە ءبىزدىڭ ەلدىڭ ماسەلەسىندە نە بولىپ جاتقانى ماڭىزدى ەمەس، مەن بارىنە كوندىكتىم»، - دەدى ۆيدەوبايلانىس بويىنشا ۆام فەستيۆالىندە قاتىسقان ول. سنوۋدەن ساپارىنىڭ باسىندا «ەش جاقسىلىق كۇتپەگەنىن» مويىندادى. «مەن ەش ۋاقىتتا رەسەيدى تاڭداماس ەدىم، ءوز ەلىمە قايتقىم كەلەدى»، - دەدى ول.

الايدا سنوۋدەن رۇقساتتان باس تارتقان جاعدايدا، جۇمىسىن ءتيىمدى جالعاستىرا بەرەتىنىن مالىمدەدى. 2014 -جىلدىڭ اقپانىنان باستاپ ول «باسپا ءسوز بوستاندىعى» قورىنىڭ ديرەكتورلار قۇرامىنا كىرگەن.

بۇدان بۇرىن رەسپۋبليكالىق پارتيادان ا ق ش پرەزيدەنتتىگىنە ۇمىتكەر ميللياردەر دونالد ترامپ سنوۋدەن تىڭشى، ول سوت ءۇشىن ا ق ش- قا قايتۋى ءتيىس، «ەگەر رەسەي ەل رەتىندە بىزگە قۇرمەتپەن قاراسا، ونى ەلگە قايتارۋى ءتيىس» دەگەن بولاتىن.

سنوۋدەن 2013 -جىلعى ماۋسىمدا Washington Post جانە Guardian گازەتتەرىنە ا ق ش جانە  ۇلى بريتانيا ارنايى قىزمەتتەرىنىڭ تىڭشىلىق باعدارلامالارى تۋرالى ءبىرقاتار قۇپيا ماتەريالدارىن بەرگەن. ول گونكونگكە، ودان ماسكەۋگە (ءبىراز ۋاقىت ماسكەۋلىك اۋەجايدىڭ ترانزيتتىك ايماعىندا بولعان)، شەرەمەتيەۆو اۋەجايىنا كەلگەننەن كەيىن امەريكالىق بيلىك ونىڭ ءتولقۇجاتىنىڭ كۇشىن جويدى، بۇل ونىڭ رف اۋماعىنان كەتۋىنە زاڭدى كەدەرگىگە اينالدى.

كەيىننەن رەسەي سنوۋدەنگە ا ق ش- قا قارسى ءوز قىزمەتىن توقتاتۋ جاعدايىمەن ءبىر جىل مەرزىمگە ۋاقىتشا باسپانا بەردى. 2014 -جىلعى ءبىرىنشى تامىزدا وعان ءۇش جىلعا تۇرۋعا رۇقسات بەردى، ونىمەن ول رەسەي بويىنشا عانا ەمەس، ودان تىس جەرلەرگە دە شىعا الاتىن بولدى.