ماماندار تۋريستىك اگەنت قىزمەتىن اتقاراتىن روبوتتى تانىستىردى

استانا. قازاقپارات - جاپون ماماندارى بەرليندەگى كورمەدە تۋريستىك اگەنت قىزمەتىن اتقاراتىن روبوتتى تانىستىردى.

وعان چيحيرا كاناە دەگەن ات قويىلعان، دەپ جازادى khabar.kz.

ول ونداعان ءتىل بىلەدى جانە رەيستى تىركەۋگە، قوناق ۇيدەگى ءنومىردى برونداۋعا كومەكتەسەدى. سونداي-اق ءىشى پىسقان ساياحاتشىلاردىڭ كوڭىلىن كوتەرۋگە دە قابىلەتتى.

 جاڭا روبوت كوپتەگەن سۇراقتاردىڭ جاۋابىن جاقسى بىلەدى. «روبوتتار نومىرلەرگە قىزمەت كورسەتەدى، جۇكتى تاسىمالدايدى. ءبىز مۇنى بۇرىننان كورىپ ءجۇرمىز. ءبىراق مەنىڭ ويىمشا، روبوتتاردىڭ كەلەسى بۋىنى بۇدان دا كۇردەلى ارەكەتتەردى اتقاراتىن بولادى»، - دەيدى Travelzoo ينتەرنەت- كومپانياسى ەۋروپالىق ءبولىمىنىڭ پرەزيدەنتى ريچارد سينگەر.