جۇمباق «پايعامباردىڭ» قۇرمەتىنە سالىنعان ەرەكشە مەشىت - فوتو

 استانا. قازاقپارات - اللا ەلشىسى (اللانىڭ وعان يگىلىگى مەن سالەمى بولسىن) بىلاي دەدى: « قىزىردىڭ قىزىر اتانۋىنىڭ سەبەبى كەلەسىدەي: ول ءشوپ وسپەيتىن تاقىر جەرگە وتىرسا، بىردەن ونىڭ ارتىنان جاپ- جاسىل بولىپ كوكتەپ شىعا كەلەدى» ، - دەگەن.

قىزىر اتاعىن الماي تۇرىپ، ونى باليا، ياسا، ءامىر، كاليان نەمەسە احماد دەپ اتاعان، ال ونىڭ لاقاپ اتى ابۋ'ل- ابباس. اڭىزدارعا سۇيەنسەك، قىزىر (ا. س. ) ءبىر بۇلاقتان سۋ ىشەدى، ول بۇلاق بولسا قاسيەتتى، وعان تيگەن نارسەنىڭ بارلىعىنا جان بىتەدى ەكەن. مۇسا پايعامباردىڭ دا (ا. س. ) بالىعى وسى بۇلاقتان تىرىلگەن. عالىمداردىڭ كوپشىلىگى زەرتتەي كەلە قىزىردى پايعامبار دەگەن جورامال ايتادى. مۇسا (ا. س. ) ۋاحي ارقىلى قىزىر پايعامبارمەن كەزدەسىپ، سول كىسىنىڭ ارتىنان ەرگەن. مۇسا (ا. س. ) پايعامبار بولعاننان كەيىن، تەك پايعامبارلاردىڭ عانا ىزىمەن جۇرگەن دەگەن دە بولجامدار ايتادى.

قىزىردىڭ وسى ومىردە ءالى دە بار نە قايتىس بولعانى جايىندا دا ەكىجاقتى پىكىر بار. عالىمداردىڭ كوپشىلىگى قىزىر ءالى دە ءتىرى دەگەن توقتامعا كەلەدى. قىزىردى كەيبىرى ءاۋليا ادام دەسە، ءبىرى پايعامبار دەيدى. دۇرىسى اللاعا ايان!