شىعىس ەۋروپا دىبىستان ۇشقىر پويىزىن ىسكە قوسادى
قازىر سلوۆاكيا استاناسىنان اۆستريا استاناسىنا اۆتوموبيلمەن جەتۋ ءبىر ساعات - Hyperloop مۇنى 8 مينۋتقا قىسقارتادى. بۇدان باسقا، پيلوتتىق جوبا ەۋروپانى جاڭا تەحنولوگياعا تارتۋ ماقساتىندا قولعا الىندى.
Mashable جۋرناليستەرىنىڭ سۇراقتارىنا جاۋاپ بەرگەن كومپانيا باسشىسى ديرك البورن (Dirk Ahlborn) سلوۆاكيالىق Hyperloop تاياۋدا پايدا بولاتىنىن ايتتى. الايدا البورن ناقتى ۋاقىتىن مالىمدەمەدى. ءالى دە ناقتىلانباعان ءبىراز ماڭىزدى فاكتورلار بارىن العا تارتتى. ەۋرووداق پەن سلوۆاكيالىق ينۆەستورلار وكىلدەرىمەن بىرلەسكەن وتىرىستان كەيىن جوبا سمەتاسى ناقتى بەكىتىلەدى.
سلوۆاكيا ەكونوميكاسى ورتالىق ەۋروپادا ەڭ دامىعاندار قاتارىندا بولماسا دا، البورن ەلدىڭ ماشينا جاساۋ، ماتەريال جاساۋدا كوشباسشى ەكەنىن اتاپ ءوتتى. Volkswagen Touareg, Audi Q7 جانە Porsche Cayenne جيناقتاۋ زاۋىتتارى دا سول جاقتا. بۇدان باسقا، براتيسلاۆالىق AeroMobil فيرماسى 2017-جىلى ۇشاتىن كولىكتەر شىعارۋدى باستاۋدى جوسپارلاۋدا.
