فۋتبولدان قازاقستان قۇراماسىندا قازاق ويىنشىلارىنىڭ سانى كوبەيگەن

استانا. قازاقپارات - فۋتبولدان قازاقستان ۇلتتىق قۇراماسىن الداعى وقۋ-جاتتىعۋ جيىنىنا وتاندىق جاتتىقتىرۋشىلار باستاپ بارادى.

سونداي-اق، ۇلتتىق قۇرامانىڭ ءازىربايجان مەن گرۋزياعا قارسى وينايتىن قۇرامى دا بەلگىلى بولدى.

ۇلتتىق قۇرامانىڭ ناۋرىز ايىنداعى وقۋ-جاتتىعۋ جيىنى مەن جولداستىق كەزدەسۋلەرىندە جاتتىقتىرۋشىلىق قىزمەتتى تالعات بايسۋفينوۆ، نۇركەن مازبايەۆ، يۋري نوۆيكوۆ جانە اندرەي فەروپونتوۆ اتقارادى. كوماندا 21- ناۋرىز كۇنى الماتىنىڭ ىرگەسىندەگى «تالعار» بازاسىندا جينالىپ، كەيىننەن تۇركياعا جول تارتادى. بەكىتىلگەن جوسپار بويىنشا 26 ناۋرىز كۇنى ءازىربايجان قۇراماسىمەن جولداستىق كەزدەسۋ وتكىزەدى. اراعا 3 كۇن سالا تبيليسيدە گرۋزيا قۇراماسىمەن وينايدى.

وتاندىق جاتتىقتىرۋشىلاردان قۇرالعان باپكەرلەر قوسىنى ءازىربايجان مەن گرۋزياعا قارسى وينايتىن قۇراما ءتىزىمىن جاريالاپ تا ۇلگەردى. ءبىر قۋانارلىعى، تىزىمدە قازاق ويىنشىلارىنىڭ سانى ارتقان. جارتىلاي قورعاۋشىلار تۇگەل قازاقتار. ەندەشە تانىس بولا وتىرىڭىزدار.

ۇلتتىق قۇراماعا شاقىرىلعان فۋتبولشىلار:

قاقپاشىلار: لوريا داۆيد («ەرتىس»)، پوكاتيلوۆ ستاس («روستوۆ»)، پلوتنيكوۆ ۆلاديمير («قايرات»).

قورعاۋشىلار: سۇيىمبايەۆ عافۋرجان («ورداباسى»)، شومكو دميتري («استانا»)، يۋري لوگۆينەنكو («استانا»)، احمەتوۆ ەلدوس («ەرتىس»)، مالىي سەرگەي («ەرتىس»)، مۇحتاروۆ مۇحتار («ورداباسى»)، قۋانتايەۆ ەرمەك («قايرات»)، بەيسەبەكوۆ ابزال («استانا»).

جارتىلاي قورعاۋشىلار: مۇجىقوۆ سەرىكجان («استانا»)، قوجامبەردى جاقىپ («وقجەتپەس»)، قۋات يسلامبەك («قايرات»)، تاعىبەرگەن اسحات («استانا»)، سماقوۆ سامات («اقتوبە»)، بايجانوۆ ماقسات («شاحتەر»)، قونىسبايەۆ ۇلان («اتىراۋ»)، دوسماعامبەتوۆ تيمۋر («توبىل»)، يسلامحان باۋىرجان («قايرات»)، نۇرعاليەۆ ازات («ورداباسى»).

شابۋىلشىلار: نوسەربايەۆ تاڭات («استانا»)، حيجنيچەنكو سەرگەي («توبىل»).

فۋتبولشىلاردىڭ قوسالقى ءتىزىمى:

قاقپاشى: لوگينوۆسكي ۆلاديمير («توبىل»).

قورعاۋشىلار: ايتبايەۆ بەرىك («تاراز»)، كۋرگۋلين نۇرتاس («توبىل»).

جارتىلاي قورعاۋشىلار: مۋحۋتدينوۆ المير («توبىل»)، شەتكين الەكسەي («استانا»)

massaget.kz