ق ح ر حالىق بانكى: يۋان باعامى قالىپتى دەڭگەيگە قايتا ورالۋدا

استانا. قازاقپارات - يۋان باعامى قالىپتى دەڭگەيگە تۇسە باستادى. بۇل تۋرالى قىتاي حالىق بانكىنىڭ باسشىسى چجوۋ سياوچۋان مالىمدەدى، دەپ حابارلادى ت ا س س.

«قازىر باعام قالىپتى، بازالىق دەڭگەيگە قايتا ورالۋدا. ەگەر قانداي دا ءبىر كۇتپەگەن جاعداي تۋىنداسا دا، وسى ءۇردىس ساقتالادى دەپ ويلايمىن»، - دەدى ول. - جەدەلدەتىپ دوللاردى ساتىپ الۋ قاجەتتىلىگى جوق، - دەپ اتاپ ءوتتى چجوۋ سياوچۋان.

قىتاي ۆاليۋتاسى قىتايلىق ورتالىق بانكى نارىقتىق تەتىكتەر ءرولىن ارتتىرۋ ارقىلى ايىرباس باعامىن رەفورمالاۋدى باستايتىنى جايلى حابارلاعاننان كەيىن وتكەن جىلعى 11- تامىزدان كەيىن السىرەي باستاعان. وسىدان كەيىن يۋان ءۇش كۇن ىشىندە دوللارىنا 6,40 قا دەيىن - 4,6 پايىزعا قۇنسىزدانعان. بۇدان كەيىن قاراشادا قىتاي ۆاليۋتاسى نىعايىپ، 2- قاراشادا ءۇشجىلدىق ماكسيمۋم - 1 دوللارعا 6,3154 كە جەتتى، الايدا باعام قايتا تۇسە باستادى: وسى جىلعى 7- قاڭتاردا باعام العاش رەت 2011-جىلعى ناۋرىزدان باستاپ، دوللارىنا 6,5646 بەلگىسىنە دەيىن تومەندەدى.