الماتىلىقتار «قارا جورعا» ءبيىن ايۋلاردىڭ ورىنداۋىندا تاماشالاي الادى
وعان ماسكەۋدەگى ۆەرنادسكي داڭعىلى بويىنداعى ۇلكەن ماسكەۋ سيركىنىڭ ۇزدىك ارتىستەرى قاتىسپاق.
شوۋ باعدارلامادا ر ف ەڭبەگى سىڭگەن ءارتىسى يۋري الەكساندروۆتىڭ باسشىلىعىمەن «ۇيرەتىلگەن ايۋلار «ورىس ۇشتىگى» اتتى اتتراكتسيوندىق ءنومىر كورسەتىلەدى. ونىڭ بىرەگەيلىگى سول، سيرككە كەلگەن ەرەسەكتەر مەن بالالار ارمرەستلينگ ويىنىنا، ناعىز ايۋلارمەن لوگيكالىق جاتتىعۋلاردى شەشۋگە، ولارمەن ارقان تارتىسۋ جارىسىنا قاتىسا الادى.
سونىمەن قاتار، ۇيرەتىلگەن ايۋلار «قارا جورعا» ءبيىن ورىندايدى.
بۇلاردان باسقا، ارقاندا ورمەلەۋشىلەر، ۇيرەتىلگەن يتتەر جانە باسقا دا قىزىقتى نومىرلەر كورسەتىلەدى.
ۇلكەن ماسكەۋ سيركى ارتىستەرىنىڭ ايتۋىنشا، ولار ءۇشىن ءار كەز قازاقستانعا ساپار شەگۋ - ۇمىتىلماس جاقسى اسەر قالدىرادى. ويتكەنى، جەرگىلىكتى كورەرمەندەر سيرك ونەرىن ەرەكشە قۇرمەتتەيدى.
وڭتۇستىك استانانىڭ تۇرعىندارى العاش رەت بەلگىلى كۇلدىرگى ءارتىس كسەنيا زۋبوۆانىڭ (شىعارماشىلىق لاقاپ اتى وكسانا نەسكلادنايا) شىعارماشىلىعىن تاماشالايدى. كاسىبي درامالىق اكتريسا وكسانا نەسكلادنايا سيركتە سولو-سايقىمازاق رەتىندە جۇمىس ىستەيدى.
«باعدارلامانىڭ بار ءمان-ماعىناسى ونىڭ اتاۋىندا عوي. ول - «مەن ماسكەۋدى ارالاپ ءجۇرمىن» دەپ اتالادى. ويتكەنى، ماسكەۋ كوشەلەرىمەن جۇرسەڭىز كوپ نارسەنى كورۋگە بولادى. سول سەبەپتى ءبىزدىڭ باعدارلامادان دا كوپ نارسەنى كورەسىز. ءبىز بۇل جەردە كورەرمەندى ماسكەۋمەن تانىستىرامىز. ياعني، بۇل مەنىمەن بىرگە ماسكەۋ قالاسىن وزىندىك ءبىر ارالاۋ بولىپ تابىلادى»، - دەيدى و. نەسكلادنايا.
اۆتور: ايبوتا جاپپاربەرگەن
