قىتايدا قازاقستاندىق التى جاسار بالا قايتىس بولدى
قازىر ەلشىلەر بالانىڭ تۋىستارىمەن دەنەنى ەلگە جەتكىزۋ ماسەلەسىن تالقىلاپ جاتىر.
«9 -ناۋرىزدا ەلشىلىككە يننا بوندارەنكو ەسىمدى ازاماتشا حابارلاسىپ، 2009 -جىلعى گلەب بوندارەنكونىڭ دەنەسىن ەلگە اكەتۋ تۋرالى قۇجاتتاردى راسىمدەۋگە كومەك سۇرادى. بالا 2016 -جىلدىڭ 8 -ناۋرىزىندا قايتىس بولعان، ونىڭ ولىمىنە باس ميى وزەگىنىڭ ديففۋزيالى گليوماسى سەبەپ بولعان. ەلشىلەر بالانىڭ قايتىس بولعانى تۋرالى كۋالىكتى دايىنداپ قويدى. قازىر قىتاي تاراپىمەن بالانىڭ دەنەسىن ەلگە اكەلۋ ماسەلەسى قاراستىرىلىپ جاتىر»، - دەدى قازاقستان ءسىم باسپا ءسوز قىزمەتىنىڭ باسشىسى ءانۋار جايناقوۆ.
بالانىڭ اجەسى دينا گرينەنكونىڭ ايتۋىنشا، ءقازىر ءتيىستى قۇجاتتار راسىمدەلىپ جاتىر.
«(...) ەگەر ءبارى رەتتەلسە، جەكسەنبى كۇنى ءبىزدى حاربيننەن ءۇرىمجى ارقىلى جونەلتەدى. قىتايدا بالاعا حيميالىق تەراپيا جاسادى، ونىڭ جاعدايى جاقسارا باستاعان ەدى. ءبىز دە ۇمىتتەندىك. كەيىن ميى ىسىنە باستادى، وعان شۋنت قويدى. ول قاراشا ايىنىڭ سوڭىندا اۋىرا باستادى. بىلتىر 7 -جەلتوقساندا دياگنوز قويىلدى. بيىل 25 -قاڭتاردا ءبىز قىتايعا ۇشىپ باردىق»، - دەدى قايتىس بولعان بالانىڭ اجەسى.
