شىمكەنتتە جالعا بەرىلەتىن ۆەلوستانسا اشىلادى
جوبانىڭ العاشقى ساتىسىندا «سامۇرىق- قازىنا» قورىنىڭ قولداۋىمەن 200 ۆەلوسيپەدتى ساتىپ الۋ جانە 40 ستانسانى ورناتۋ كوزدەلگەن.
شىمكەنتتە العاش رەت جۇزەگە اسقالى وتىرعان جوبانىڭ باسپا ءسوز- ءماسليحاتىنا شاھار باسشىسى ءابدىراحىموۆ عابيدوللا، قازاقستان ۆەلوسپورت فەدەراتسياسىنىڭ ۆيتسە-پرەزيدەنتى، «استانا» پرەزيدەنتتىك كاسىبي كلۋبىنىڭ اتقارۋشى ديرەكتورى امانبەك كۋلچيكوۆ، وليمپيادا چەمپيونى جانە ۆەلوسپورت الەمچەمپيونى، «AstanaWomen'sTeam» ايەلدەر ۆەلوكومانداسىنىڭ باس مەنەدجەرى زۋلفيا زابيروۆا جانە «Velocity» قوعامدىق قورىنىڭ تەحنيكالىق ديرەكتورى ەرلان جامالوۆ قاتىستى.
بۇل جوبانى جۇزەگە اسىرۋ ءۇشىن قالادا ۆەلوسيپەدشىلەرگە ارنالعان جول سالىنادى. ونىڭ قۇرىلىسى جاقىن كۇندەرى تاۋكە حان داڭعىلى مەن تاشەنوۆ كوشەسىنىڭ قيىلىسىنان باستالىپ، باۋىرجان مومىش ۇلى داڭعىلىنا دەيىن جالعاسپاق.
