استانا تۇرعىندارىنا بۋراباي مەن زەرەندىگە بالاما دەمالىس ورىندارى ۇسىنىلماق

استانا. قازاقپارات - قازاقستاندىق ۇلتتىق گەوگرافيالىق قوعامى (ق ۇ گ ق) بۋراباي مەن زەرەندىگە بالاما رەتىندە ەلوردا تۇرعىندارى دەمالاتىن ارنايى تۋريستىك باعداردى ازىرلەۋدە.

ق ۇ گ ق ديرەكتورىنىڭ عىلىمي جانە حالىقارالىق جوبالار جونىندەگى ورىنباسارى ساۋلەت ساكەنوۆتىڭ ايتۋىنشا، «دەمالىس كۇنىنىڭ ساياحاتى» جوباسى استانا تۇرعىندارىنا قالادان الىس ەمەس جەرلەرگە بارىپ، دەمالۋعا مۇمكىندىك بەرەدى.

«ساياحاتتاپ جۇرەتىن بىرنەشە دجيپەرلىك كلۋبتاردى تاپتىق جانە ولار ءبىزدىڭ باستاماعا قۋانا قولداۋ ءبىلدىردى. ياعني، ادامدار جۇما كەشقۇرىم نەمەسە سەنبى تاڭەرتەڭ وسى دجيپەرلەرمەن بىرگە قىزىقتى جەرلەرگە بارۋىنا بولادى. اتاپ ايتقاندا، قالا تۇرعىندارى كەمپينگتىك (اۆتوتۋريستەر لاگەرى) ءومىردىڭ تاجىريبەسىن جيناپ، جاڭا جەرلەرمەن تانىسا الادى»، - دەدى س. ساكەنوۆ.

اۆتور: رۋسلان عابباسوۆ