14:19, 11 - ناۋرىز 2016 | GMT +5
وباما: ا ق ش نە قىلسا دا رەسەي ۋكراينادا ۇستەمدىككە يە بولادى
استانا. قازاقپارات - ا ق ش پرەزيدەنتى باراك وبامانىڭ سوزىنشە، ا ق ش قانداي ارەكەت جاساسا دا ۋكراينا «رەسەيدىڭ اسكەري ۇستەمدىگىنە قارسى تۇرۋدا ءالسىز بولىپ قالا بەرەدى».
Atlantic جۋرنالىنا بەرگەن سۇحباتىندا وباما ۋكراينا ا ق ش مۇددەسى تۇيىسەتىن ورتالىق ەمەس ەكەنىن جانە ماسكەۋ ۋكراينادا قاشان دا ءوزىنىڭ ۇستەمدىگىن ورناتۋعا قابىلەتتى بولادى دەگەن پىكىرىن ايتتى دەپ حابارلايدى «ازاتتىق».
باراك وباما «رەسەي مەن قىتايداعى شەشىم قابىلداۋ پروتسەسىنە «قاتقىل مالىمدەمەمەن نەمەسە اسكەري ارەكەتپەن» ىقپال ەتۋگە بولادى دەگەن ۇيعارىمدى جوققا شىعاردى. وبامانىڭ سوزىنشە، مۇنداي ۇستانىم «سوڭعى 50 جىلدا كۋا بولعان بارلىق نارسەگە قايشى كەلەدى».
وباما «تەجەۋ تاسىلدەرى بارىن»، ءبىراق «اۋەلى نە ءۇشىن سوعىس باستاۋ كەرەگىن انىقتاپ الۋىمىز قاجەتىن» ايتتى. ول «ەگەر ۆاشينگتوندا الدەبىرەۋلەر رەسەيمەن قىرىم نەمەسە ۋكراينانىڭ شىعىسى ءۇشىن سوعىسامىز دەسە، وندا ولار بۇل تۋرالى اشىق جانە ايقىن ءبىلدىرۋى ءتيىس» دەدى.
