بيىل شەت ەلدەردەگى قانداستارىمىز ساقتاپ جۇرگەن جادىگەرلەر زەرتتەلەدى
بۇل تۋرالى بۇگىن قازاقستاندىق ۇلتتىق گوەگرافيالىق قوعامىنىڭ «ش. ءۋاليحانوۆتىڭ كەرۋەن جولىمەن» ەكسپەديتسياسىنىڭ جەتەكشىسى، ل. ن گۋميليەۆ اتىنداعى ە ۇ ۋ پروفەسسورى وردەنبەك مازبايەۆ ءمالىم ەتتى.
«شەت ەلدەردەگى قانداستارىمىزدىڭ قولىنداعى جادىگەرلەر بىزدەردى تاڭعالدىرۋدا جانە قىزىقتىرادى. بيىلعى جازدا ەۋرازيا ۇلتتىق ۋنيۆەرسيتەتىنىڭ مەرەيتويىنا ارنالعان ەكسپەديتسيالىق باعداردى ۇيىمداستىرماقپىز. وسى ورايدا كورشىلەس قىتاي، رەسەي جانە موڭعوليا جەرىندەگى قازاقتاردىڭ ەتنوگرافياسىن، سالت-ءداستۇرى، مادەنيەتى تۋرالى مالىمەتتەر جيناپ كەلمەكشىمىز»، - دەدى و. مازبايەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
بۇل تۇرعىدا عالىم بۇل ەكسپەديتسياعا قاتىسۋعا نيەتتىلەردى قابىلداۋعا دايىن ەكەنىن جەتكىزدى.
«وسى ەكسپەديتسيادان باسقا بىزدەر ورتالىق ازيا ەلدەرىنە باعدارلاردى بەلگىلەپ وتىرمىز. سوندىقتان 2016-جىلى بىرنەشە ەكسپەديتسيالار جوسپارلانىپ وتىر جانە سونىڭ ناتيجەسىندە قۇندى ماتەريالدار مەن جادىگەرلەردى مىندەتتى تۇردە جاريالايتىن بولامىز»، - دەدى ول.
اۆتور: رۋسلان عابباسوۆ
