قىتايدا ەر ادامدار ايەلدەردىڭ كويلەگى مەن بىزوكشەسىن كيىپ، تاۋعا شىقتى

استانا. قازاقپارات - گۋاندۇڭ پروۆينتسياسىندا بىرنەشە ازامات ۇستىلەرىنە كويلەك، اياقتارىنا تاقالى اياق كيىم كيىپ، تاۋعا شىقتى.

ولاردىڭ بۇل ارەكەتتەرى حالىقارالىق ايەلدەر مەرەكەسىنە وراي ادەيى ۇيىمداستىرىلعان ەدى دەپ جازادى stan.kz.

ەركەكتەر وسىلايشا ءبىر كۇنگە ايەلدەرىنىڭ ورنىنا وزدەرىن قويىپ كوردى. ولار زاماناۋي حانىمداردىڭ باسىنداعى قيىندىقتى ءتۇسىنۋ ءۇشىن سىرتقى كورىنىس پەن ودان ادام بويىنا تارايتىن كەدەرگىلەر مەن قيىندىقتاردى سەزىنىپ كورمەك بولعان.

بۇل ەركەكتەردى سول ماڭدا قىدىرىپ جۇرگەن تۋريستەر مەن جەرگىلىكتى حالىق تاماشالاعاندىقتان ولار كۇلىپ قاراۋعا ءماجبۇر بولعان. سەبەبى تاقالى اياق كيىممەن تاۋعا باسپالداق ارقىلى شىققان ەركەكتەر ابدەن قينالعاندارىن كەيىننەن كورسەتپەۋگە تىرىسقاندارىن ايتقان. ال تاۋدان قايتار جولدا ولاردىڭ ءبىرازى وكشەلى اياق كيمدى قولدارىنا ۇستاپ تۇسكەن.

جىگىتتەردىڭ وسى ىستەرىن جەلىدە تاماشالاعاندار تاڭقالعاندارىن جاسىرمادى. ءبىراق ولار باستامانىڭ بەلسەندىلەرى مەن ماقساتىن ايتۋدان باس تارتقان.

قىتاي گەندرلىك مەرەكەنى تويلاۋدا وسى جىل باستالعالى بىرنەشە رەت الەمدىك ب ا ق- تى تاڭقالدىرىپ ۇلگەردى. 14- اقپان ماحاببات كۇنىن ەرەكشە اتاپ وتكەن قىتايلىق زەينەتكەردىڭ ارەكەتىنە كوپشىلىك تاڭىرقاي قاراعان ەدى. ول بۇتىندەي ءبىر قوناق ءۇيدى جالعا الىپ، جارىقتارىن پايدالانا وتىرىپ ايەلىنە سۇيەتىنىن جەتكىزگەن ەدى.