الماتى الەمدەگى ەڭ ارزان قالالار تىزىمىنە ەندى

استانا. قازاقپارات - ءۇشىنشى جىل قاتارىنان سينگاپۋر مەكەندەۋ ءۇشىن الەمدەگى ەڭ قىمبات قالا بولىپ تانىلدى.

بۇل تۋرالى رەيتينگتى دايىنداپ-جاريالاعان Economist Intelligence Unit EIU  بريتانيالىق عىلىمي- زەرتتەۋ ورتالىعى حابارلادى.

ەكىنشى ورىندا - تسيۋريح (شۆەيتساريا)، ال ءۇشىنشى ورىندا - گونكونگ (شياڭگاڭ).

العاشقى وندىققا جەنيەۆا (شۆەيتساريا)، پاريج (فرانسيا)، لوندون ( ۇلى بريتانيا)، نيۋ-يورك (ا ق ش)، كوپەنگاگەن (دانيا)، سەۋل (كورەيا رەسپۋبليكاسى) جانە لوس-اندجەلەس (ا ق ش) كىردى.

ەڭ ارزان مەگاپوليستەردىڭ ىشىندە زامبيا استاناسى لۋساكا، سونىمەن قاتار ۇندىلىك بانگالور مەن مۋمباي بار. بۇل وندىققا سونىمەن قاتار: الماتى (قازاقستان)، الجير (الجير)، چەنناي (ءۇندىستان)، كاراچي (پاكىستان)، نيۋ-دەلي (ءۇندىستان)، داماسك (سيريا) جانە كاراكاس (ۆەنەسۋەلا) كىردى.

بۇل رەيتينگتەردى قۇراستىرعاندا ساراپشىلار 160 تاۋار مەن قىزمەتتىڭ باعاسىن ەسكەرەدى، دەپ جازادى rosbalt.ru.