09:21, 11 - ناۋرىز 2016 | GMT +5
ۇشاق قونۋ كەزىندە ۇشۋ-قونۋ جولاعىن ءبۇلدىردى
استانا. قازاقپارات - نيۋ-يورك قالاسىنداعى لا گۋارديا اۋەجايىندا قونىپ جاتقان ۇشاق جولاقتى ءبۇلدىردى، دەپ حابارلايدى NBC تەلەارناسى.
ۇشۋ-قونۋ جولاعىنىڭ بۇلىنگەنىن ۇشۋعا دايىندالىپ وتىرعان اۋە كەمەلەردىڭ ءبىرىنىڭ ۇشقىشى بايقادى. ول لاينەردىڭ وڭ جاعىندا ۇشۋ-قونۋ جولاعىنىڭ بىرنەشە بەتون سىنىقتارى بار ەكەنىن حابارلاعان.
بۇلىنگەن جولاق جوندەۋ ءۇشىن ءبىر ساعاتقا جابىلدى. ۇشاقتىڭ قونۋى كەزىندە پايدا بولعان شۇڭقىردىڭ ۇزىندىعى ەكى مەترگە جۋىق بولعان.
وقيعا سالدارىنان اۋەجايدا ءبىر عانا ۇشۋ-قونۋ جولاعى جۇمىس ىستەپ تۇردى. ءسويتىپ كوپتەگەن رەيستەر ءبىر ساعاتقا دەيىنگى ۋاقىتقا كەشىكتىرىلدى.
