ايەلدەرى ءبىلىمدى ەر ادامدار باسقالارعا قاراعاندا ۇزاق ءومىر سۇرەدى - عالىمدار

 استانا. قازاقپارات - شۆەتسيا عالىمدارىنىڭ مالىمدەۋىنشە، ايەلدەرى ءبىلىمدى ەر ادامدار باسقالارعا قاراعاندا ۇزاق ءومىر سۇرەدى. ولار 1.5 ميلليون وتباسىلىق جۇپتىڭ قاتىسۋىمەن زەرتتەۋ جۇرگىزدى.

انىقتالعانداي، ومىرلىك سەرىگى رەتىندە ءبىلىمدى جانە مادەنيەتتى ايەلدى تاڭداعان ەر ادامداردىڭ ءومىر جاسى ۇزاعىراق بولادى. بۇل رەتتە، زەرتتەۋشىلەردىڭ ايتۋىنشا، ەر ادامنىڭ ءوز ءبىلىمى قانداي ەكەنى ماڭىزدى ەمەس.

ماسەلە ساۋاتتى جانە ءبىلىمدى ايەلدىڭ وتباسىنىڭ تاماقتانۋىنا ەرەكشە ءمان بەرەتىنىندە بولىپ وتىر. ول ءوزىن جانە ءۇي ىشىندەگىلەرگە پايدالى تاماق بەرۋگە تىرىسىپ وتىرادى. ءۇيدىڭ تۇرمىسى، ءومىر سالتىنا قاتىستى ماڭىزدى شەشىمدەر - ونىڭ مويىنىندا.

 ءبىلىمدى ايەل تابيعات اياسىنا شىعىپ، فيتنەس، سپورتپەن شۇعىلدانۋعا قىزىعۋشىلىق بىلدىرەدى، دۇرىس كۇن ءتارتىبىن ساقتاۋ، دۇرىس ۇيىقتاۋ جانە تاماقتانۋدىڭ قانشالىقتى ماڭىزدى ەكەنىن تۇسىنەدى. وسىنىڭ ءبارىن ەسەپكە الا وتىرىپ، دانا ايەل جۇبايىن دا سالاۋاتتى ءومىر سالتىنا باۋليدى، دەپ جازادى شەتەلدىك ب ا ق.