شۆەيساريادا قۇندىزدار كەلتىرەتىن شىعىندى ۇكىمەتتەن ءوندىرۋ ۇسىنىلدى
دەپ جازادى The Local.
سەنات قاراۋدان باس تارتقان زاڭ جوباسىن 500 قۇندىز مەكەندەيتىن تۋرگاۋ كانتونى ۇسىندى. قۇجاتتا كەمىرگىش اڭنىڭ ينفراقۇرىلىمدارعا، اتاپ ايتقاندا جولعا، جاعالاۋداعى نىساندارعا كەلتىرگەن زالالىنا وتەماقى بەرۋ جايى كوتەرىلگەن.
زاڭ جوباسىن ۇسىنعاندار جىل سايى قۇندىزدار ميلليون فرانك شىعىن كەلتىرەتىنىن ەسەپتەپ شىققان. الايدا وسى شىعىندى ەشكىم وتەپ بەرمەيدى.
جوبانى ۇسىنعان حريستيان- دەموكراتيالىق حالىق پارتياسىنىڭ وكىلى رولاندا ەبەرلە، زاڭدى قابىلداۋ ازاماتتاردىڭ كەمىرگىشكە كوزقاراسىن جاقسى جاققا قاراي وزگەرتەدى دەگەن سەنىمدە.
شۆەيساريادا قۇندىزدار قاتتى اۋلانىپ 200 جىل بۇرىن جويىلىپ كەتكەن. الايدا وتكەن عاسىردىڭ 50- جىلدارى باسقا جاقتاردان اكەلىنىپ جەرسىندىرىلگەن. ول 1962 - جىلى اسا قورعالاتىن جانۋار تۇرىنە جاتقىزىلعان. قازىر ەلدە 2,8 مىڭداي قۇندىز بار دەپ ەسەپتەلەدى.
