س. احمەتوۆ قاراعاندى وبلىسىندا مەملەكەت مۇددەسىنىڭ بۇزىلۋىنا جول بەرگەنى ءۇشىن وكىنىش بىلدىرەدى
بۇل تۋرالى بەيسەنبى كۇنى اپەللياتسيالىق سوت القاسىنىڭ وتىرىسىندا ونىڭ قورعاۋشىسى نيكولاي لەسنيك ايتتى.
«ءبىزدىڭ قورعاۋىمىزداعى س. احمەتوۆ وزىنە بەرىلگەن مەملەكەتىمىزدىڭ باسشىسى نۇرسۇلتان ءابىش ۇلى نازاربايەۆتىڭ ۇلكەن سەنىمىن اقتاماۋعا جول بەرۋ تۋرالى ويى ەشقاشان ءارى مۇلدەم بولعان ەمەس. سوندىقتان ول (احمەتوۆ - رەد.) ورىن العان جاعدايعا بايلانىستى وزىنەن جاۋاپكەرشىلىكتى المايدى جانە وسىعان ءوزىنىڭ دە كىناسى بار ەكەنىن مويىندايدى، وسى ءۇشىن شىن كوڭىلدەن وكىنىش بىلدىرەدى، - دەدى اپەللياتسيالىق شاعىمعا قاتىستى س. احمەتوۆتىڭ قوسىمشا مالىمدەمەسىن جاريالاعان ن. لەسنيك.
«ءبىزدىڭ قورعاۋىمىزداعى س. احمەتوۆ ءوزىنىڭ قاراعاندى وبلىسى اكىمى قىزمەتىندە، سونىمەن بىرگە، ق ر پرەمەر-ءمينيسترى لاۋازىمىندا قاراعاندى وبلىسى اۋماعىندا مەملەكەت مۇددەسىنىڭ بۇزىلۋىنا، جەكەلەگەن تۇلعالاردىڭ قۇقىققا قايشى ارەكەتىنىڭ ناتيجەسىندە ماتەريالدىق زالال كەلتىرۋگە جول بەرگەنىن مويىندايدى»، - دەدى ول.
مالىمدەمەدە، س. احمەتوۆتىڭ تۋىستارى مەن وتباسى دوستارى بىرلەسە 2,3 ميلليارد تەڭگە شاماسىنداعى ماتەريالدىق زالالدى ەرىكتى تۇردە قايتارعانى اتاپ وتىلەدى. سونىمەن قاتار، احمەتوۆ ادۆوكاتتارى ءبىرىنشى ينستانتسيانىڭ ايىپتاۋ ۇكىمىن جويىپ، ءوز قورعاۋىنداعى ازاماتتى تولىق اقتاۋدى سۇرايدى. ن. لەسنيكتىڭ سوزىنە قاراعاندا، اپەللياتسيالىق شاعىم 215 بەتتە كورسەتىلگەن.
قاراعاندى وبلىسى اپەللياتسيالىق سوت ينستانتسياسى 10- ناۋرىزدا س. احمەتوۆ پەن باسقا دا جاۋاپتى تۇلعالاردىڭ ءىسى بويىنشا شاعىمداردى قاراۋعا كىرىسكەن بولاتىن. بارلىعى سوتقا ادۆوكاتتاردان جانە 12 سوتتالۋشىلاردان 25 شاعىم ءتۇسىپ، ولار ۇكىمدى بۇزۋدى جانە جازانى ءىشىنارا جەڭىلدەتۋدى سۇرايدى. سوت وتىرىسىن قاراعاندى وبلىستىق سوتىنىڭ قىلمىستىق ىستەر جونىندەگى سوت القاسىنىڭ ءتوراعاسى راشيد نۇرماعامبەتوۆ، سۋديالار سۆەتلانا مينوچكينا مەن روزا نۇرمۇحانوۆا جۇرگىزۋدە.
بارلىق اپەللياتسيالىق شاعىمداردى تىڭداعان سوت 11- ناۋرىز ساعات 15:00 گە دەيىن ءۇزىلىس جاريالادى
ەسكە سالايىق، قاراعاندى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا بۇرىنعى پرەمەر-مينيستر س. احمەتوۆ پەن باسقا دا لاۋازىمدى تۇلعالارعا قاتىستى ءىس بويىنشا سوت ۇكىمى بىلتىرعى جىلى 11- جەلتوقساندا جاريالانعان بولاتىن.
ۇكىمگە سايكەس، بۇرىنعى پرەمەر-مينيستر س. احمەتوۆ ق ر ق ك- ءنىڭ 176-بابىنىڭ 4-بولىگىنىڭ «ب» تارماعى (سەنىپ تاپسىرىلعان بوتەن مۇلىكتى يەلەنىپ الۋ نەمەسە ىسىراپ ەتۋ)، ق ر ق ك- ءنىڭ 310-بابىنىڭ 3-بولىگى (كاسىپكەرلىك قىزمەتكە زاڭسىز قاتىسۋ)، ق ر ق ك- ءنىڭ 307-بابىنىڭ 3-بولىگى (قىزمەت وكىلەتتىگىن تەرىس پايدالانۋ)، ق ر ق ك- ءنىڭ 310-1-بابىنىڭ 3-بولىگى (زاڭدى كاسىپكەرلىك قىزمەتكە كەدەرگى كەلتىرۋ) بويىنشا كىنالى دەپ تانىلدى.
قىلمىستاردىڭ جيىنتىعى بويىنشا، ق ر ق ك- ءنىڭ 58-بابىنىڭ 3-بولىگىنىڭ نەگىزىندە، ونشا قاتاڭ ەمەس جازانى نەعۇرلىم قاتاڭ جازاعا سىڭىرۋ ارقىلى ونىڭ مۇلكى تاركىلەنىپ، مەملەكەتتىك ورگانداردا لاۋازىمدى قىزمەت اتقارۋ قۇقىعىنان 5 جىلعا ايىرىلا وتىرىپ، 10 جىل مەرزىمگە باس بوستاندىعىنان ايىرۋ جازاسى تاعايىندالدى. جازانى جالپى رەجيمدەگى تۇزەۋ كولونياسىندا وتەيتىن بولدى.
قاراعاندى وبلىسىنىڭ بۇرىنعى اكىمى ب. ابدىشيەۆ ق ر ق ك- ءنىڭ 310-بابىنىڭ 3-بولىگى (كاسىپكەرلىك قىزمەتكە زاڭسىز قاتىسۋ)، ق ر ق ك- ءنىڭ 307-بابىنىڭ 3-بولىگى (قىزمەت وكىلەتتىگىن تەرىس پايدالانۋ)، ق ر ق ك- ءنىڭ 310-1-بابىنىڭ 3-بولىگى (زاڭدى كاسىپكەرلىك قىزمەتكە كەدەرگى كەلتىرۋ) بويىنشا كىنالى دەپ تانىلدى. قىلمىستاردىڭ جيىنتىعى بويىنشا، ق ر ق ك- ءنىڭ 58-بابىنىڭ 3-بولىگىنىڭ نەگىزىندە، ونشا قاتاڭ ەمەس جازانى نەعۇرلىم قاتاڭ جازاعا سىڭىرۋ ارقىلى، ونىڭ مۇلكى تاركىلەنىپ، مەملەكەتتىك ورگانداردا لاۋازىمدى قىزمەت اتقارۋ قۇقىعىنان 5 جىلعا ايىرىلا وتىرىپ، 5 جىل مەرزىمگە باس بوستاندىعىنان ايىرۋ جازاسى تاعايىندالدى. جازانى جالپى رەجيمدەگى تۇزەۋ كولونياسىندا وتەيتىن بولدى.
قاراعاندى وبلىسى اكىمىنىڭ بۇرىنعى ءبىرىنشى ورىنباسارى ع. مۇحامبەتوۆ 176-بابىنىڭ 4-بولىگىنىڭ «ب» تارماعى (سەنىپ تاپسىرىلعان بوتەن مۇلىكتى يەلەنىپ الۋ نەمەسە ىسىراپ ەتۋ) بويىنشا كىنالى دەپ تانىلىپ، ونىڭ مۇلكى تاركىلەنىپ، مەملەكەتتىك ورگانداردا لاۋازىمدى قىزمەت اتقارۋ قۇقىعىنان 5 جىلعا ايىرىلا وتىرىپ، 3 جىل مەرزىمگە باس بوستاندىعىنان ايىرۋ جازاسى تاعايىندالدى. جازانى جالپى رەجيمدەگى تۇزەۋ كولونياسىندا وتەيتىن بولدى.
اۆتور: قانات مامەتقازى ۇلى
