قىتاي حالقىنىڭ قازاق ۇلتىنا جاساعان جاقسىلىعىنا راحمەت ايتقان فيلم جارىق كوردى

استانا. قازاقپارات - بۇگىن قىزىلوردا قالاسىنداعى «جىبەك جولى» كينوتەاترىندا قازاقستان حالقى وبلىستىق اسسامبلەياسى حاتشىلىعى مەن «قوعامدىق كەلىسىم» ك م م ۇيىمداستىرۋىمەن «ايگەرىم» كوركەم ءفيلمىنىڭ تۇساۋكەسەرى ءوتتى.

تۇساۋكەسەردى  قىزىلوردا وبلىسى اكىمى اپپاراتتىنىڭ «قوعامدىق كەلىسىم» ك م م ديرەكتورى ءۋاليحان يبرايەۆ پەن رەجيسسەر ەركىن راقىشەۆ ءسوز سويلەپ، اشىپ بەردى.

كوركەم فيلم قازاقستان حالقى اسسامبلەياسىنىڭ تاپسىرىسى بويىنشا 1 -ناۋرىز - «ەلىمىزدە تۇراتىن باسقا ەتنوس وكىلدەرىنىڭ قازاق حالقىنا العىس ايتۋ كۇنى» قارساڭىندا تۇسىرىلگەن.

فيلم جاستاي كوزى كورمەي زاعيپ بولىپ قالعان ايگەرىم دەگەن قىزدىڭ اۋىر تاعدىرىنا قۇرىلعان. ايگەرىم ەسەيگەن شاعىندا تىگىنشى بولىپ، جۇمىسقا ورنالاسادى. بىردە قولارباعا تاڭىلعان جارىمجان ەرلان ەسىمدى جىگىتپەن تانىسادى. ەكى جاستىڭ سىرلاسۋىنىڭ ارتى سۇيىسپەنشىلىككە الىپ كەلەدى. ەرلاننىڭ ەسىنە كىشكەنتاي كەزىندە بايقاماي ءبىر قىزدىڭ كوزىنە حيميالىق قىشقىل زاتتى توگىپ العانى تۇسەدى. ول قىز ايگەرىم بولاتىن.

بىردە قىتايدان لۋ دەگەن دارىگەر جاڭا پرەپارات ويلاپ تاپقانىن، ونىڭ ايگەرىمگە كومەگى ءتيىپ قالۋى مۇمكىن ەكەنىن ايتادى. لۋ ينتەرنەتتەن اشارشىلىق پەن قۋعىن-سۇرگىننەن بوسىپ قاشقان ءجۇز-مىڭداعان قازاقتارعا قىتايلىقتار قامقور بولىپ، ءبىر ءۇزىم ناندى ءبولىپ جەگەنىن بىلەدى. وپەراتسياعا دايىندىق كەزىندە لۋ ەرلاننىڭ جارىمجان بولعانىنا قاراماي، اقشاسىن ايگەرىمگە بەرگەنىنە تولقىپ، وپەراتسيانى تەگىن جاسايتىنىن ايتادى. وپەراتسيا ءساتتى ءوتىپ، ايگەرىمنىڭ كوزى كورە باستايدى.

ءفيلمنىڭ نەگىزگى ماقساتى -  قىتاي حالقىنىڭ قازاق ۇلتىنا جاساعان جاقسىلىعىنا راحمەت ايتۋ، سونىمەن قاتار، مەيىرىلىمدىلىك پەن قايرىلىمدىلىقتى ناسيحاتتاي وتىرىپ، جاس ۇرپاقتى جارىمجان- مۇگەدەك جاندارعا، مۇقتاج ادامدارعا كومەك كورسەتۋگە باۋلۋ.

 فيلمدە زاعيپ جانداردىڭ قوعامنىڭ تەڭ مۇشەسى رەتىندە ەڭبەك ەتۋى، ومىردەن تۇڭىلمەۋى جانە قايىرىمدى جانداردىڭ قول ۇشىن بەرۋگە دايىن بولۋى جاقسى اشىلعان. قوعامدا جاستار اراسىندا كەزدەسەتىن السىزدەرگە، كەمتار جاندارعا كۇش كورسەتۋ، زورلىق جاساۋ، ۇلكەندى سىيلاماۋ سياقتى كەلەڭسىز قۇبىلىستار جانە ولارمەن كۇرەس بۇركەۋسىز اشىق كورسەتىلگەن.

 سۋيتسيد ماسەلەسى دە قوزعالعان، قانداي قيىن جاعدايعا تاپ بولساڭ دا ەڭ باستىسى جاقسىلىقتىڭ بولاتىنىنا سەنۋ، ورنى تولماس قايعىعا جەتكىزەتىن قايعىعا بارماۋ قاجەت ەكەندىگى ءساتتى بەينەلەنگەن.

 اشارشىلىق جىلدارىندا تۋعان جەرىنەن قىتايعا اۋعان قازاقتاردىڭ اۋىر ءحالىن بەينەلەيتىن «اشارشىلىق» فيلمىنەن ءۇزىندى كورسەتۋ، قىتاي دارىگەرىنىڭ قازاق قىزىنا تەگىن وتا جاساۋدى ورىندى ويلاستىرىلعان.

 فيلمدە ۇلتتىق مادەنيەتتى ناسيحاتتاۋعا لايىقتى كوڭىل بولىنگەن، قازاق حالقىنىڭ اسپاپتى مۋزىكاسى، ءداستۇرلى اندەرى مەن ايتىس ونەرى قازىرگى جاستار ۇناتاتىن ەسترادالىق اۋەنمەن استاسىپ جاتىر.

Baq.kz