17:31, 10 - ناۋرىز 2016 | GMT +5
ەڭ سىمباتتى قىلمىسكەر تۇرمەنى ءسان الاڭىنا ايىرباستادى
استانا. قازاقپارات - «امەريكانىڭ ەڭ ادەمى قىلمىسكەرى» دەگەن تاڭقالدىراتىن اتاق العان 31 جاستاعى كاليفورنيالىق دجەرەمي ميكس تەمىر توردى تاستاپ شىعىپ، ءسان كورسەتۋمەن اينالىسپاق.
قىلمىسى بويىنشا ايىپتالعان دجەرەمي بىرنەشە اي بۇرىن White Cross Management ءسان اگەنتتىگىمەن كەلىسىم- شارتقا قول قويعان. بۇل تۋرالى lifenews.ru سايتى حابارلايدى.
ەندى تۇرمەدەن بوساي سالىسىمەن، ول العاشقى فوتوسەسسياعا تۇسپەك. زاڭسىز قارۋ ساقتاعانى ءۇشىن تۇرمەگە تۇسكەن دجەرەمي، ادەمى ءتۇر- كەلبەتىنىڭ ارقاسىندا ءسان الەمىنىڭ جۇلدىزىنا اينالماق.
ەسكە سالا كەتسەك، ميك زاڭسىز قارۋ ساقتاعانى ءۇشىن 27 ايعا تۇرمەگە وتىرعىزىلعان. الايدا ونىڭ ۇلگى بولارلىق ءتارتىبى ۋاقىتىنان بىرنەشە اي بۇرىن بوساپ شىعۋىنا كومەكتەسپەك.
ونىڭ سۋرەتى ستوكتون قالاسى پوليتسياسىنىڭ فەيسبۋكتاعى پاراقشاسىندا جاريالانعاننان كەيىن، ونىڭ تانىمالدىلىعى ارتىپ كەتىپ، 200 مىڭ «لايك»جيناپ ۇلگەرگەن.
