قوعام قايراتكەرى ەلىمىزدەگى شەنەۋنىكتەردىڭ ورىس تىلىنە اۋەس ەكەنىن اشىپ ايتتى
بۇل تۋرالى NUR. KZ ءتىلشىسى حابارلايدى.
«مەملەكەتتىك قىزمەتكەرلەر ءدىن ماسەلەسىندە وتە ساۋاتسىز، ءبىراق بۇيرىق بەرۋ جاعىنان ولاردىڭ الدىنا ەشكىم تۇسە المايدى. قىزمەتكەرلەر وسى ماسەلەدە جۇمساق، مادەنيەتتى بولىپ، ءار ۋاقىتتا يماندىلىعىن كورسەتىپ جۇرسە، ەلدەگى ءدىني احۋال تۇراقتى بولادى. ولار ۇلگى بولا الۋ كەرەك»، - دەدى امانگەلدى ايتالى.
سونىمەن قاتار، قوعام قايراتكەرى ەلباسى ءۇش ءتىلدى بولۋعا شاقىرعانىمەن، كەيبىر شەنەۋنىكتەردىڭ اعىلشىنشادان تۇرتپەيتىنىن دە ايتىپ قالدى.
«ءبىزدىڭ وبلىس قازاق ءتىلدى قوعام بولىپ كەلە جاتىر. ءۇش ءتىلدى ءبىلۋ كەرەك. ءبىراق، مەكەمەلەردە جۇمىس ىستەيتىندەردىڭ اراسىندا اعىلشىنشا بىلەتىندەرى سيرەك. حالىقتىڭ قازاق تىلىندە سويلەسۋگە، قازاق تىلىندە ءوز مۇڭىن ايتۋعا كەلگەندە مەملەكەتتىك قىزمەتشىلەرگە وكپەسى قارا قازانداي. قايىرجان توقىشەۆ باسقاراتىن دەپارتامەنتتە ءۇش ءتىلدى جاقسى بىلەتىن ماماندار جۇمىس ىستەپ جاتىر. ولار ۇلگى، ولار جاڭا بۋىن. بارلىق مەملەكەتتىك قىزمەتكەر سويلەۋ مادەنيەتىندە ساۋاتتى بولۋ كەرەك»، - دەيدى ساياساتكەر.
ساياساتكەردىڭ ويىنشا، شەنەۋنىكتەر اۋەستەنىپ العان ورىس ءتىلىن اۋرەلەپ قانا ءجۇر.
«نەگىزىنەن ءبىر ءتىلدى ەمەس، ەكى ءتىلدى بولۋعا بەيىمدەلۋ كەرەك. قاي تىلدە قالاي سويلەسۋگە، حالىقتىڭ ويىنان شىعۋعا ءمان بەرسە ەكەن. شەنەۋنىك بولعاننان كەيىن ورىس تىلىنە كىشكەنە اۋەسقويلاۋ بولىپ كەتەدى. ونى ەل قولدامايدى»، - دەدى امانگەلدى ايتالى.
