15:51, 10 - ناۋرىز 2016 | GMT +5
سلوۆەنيادا سىرا اتقىلاپ تۇراتىن فونتان سالىنادى
استانا. قازاقپارات - سلوۆەنياداعى زالەتس دەگەن قالاشىقتا سىرا اتقىلاپ تۇراتىن فونتان سالۋ جوسپارلارعا ەنگىزىلدى.
بۇل تۋرالى Kedem پورتالىنىڭ دەرەگىنە سۇيەنگەن ras.kz حابارلادى.
شاعىن قالادا بار- جوعى 5000 ادام تۇرادى. ال سىرالى فونتان سالۋدىڭ باستى سەبەبى وسىندا تۋريستەردى كوپتەپ تارتۋ بولىپ وتىر ەكەن. ۇيىمداستىرۋشىلار وسى ارقىلى كەلۋشىلەردىڭ ازداعان اقىعا سلوۆەن سىراسىنىڭ بارلىق اتاقتى تۇرلەرىنەن ءدام تاتىپ كورۋلەرىنە مۇمكىندىك تۋاتىنىن ايتادى.
سىرا فونتانىنىڭ قۇرىلىسى 400000 دوللارعا تۇسكەلى تۇر. ونىڭ جارتىسىن جەرگىلىكتى بيزەسمەندەر مەن ۇيىمدار كوتەرسە، ەكىنشى بولىگى قالانىڭ بارلىق تۇرعىندارىنان جيناپ الىنادى.
