يراندىق قارجىگەرلەر قوستانايعا قول ۇشىن سوزۋعا نيەتتى

قوستاناي. قازاقپارات - قوستاناي وبلىسىنىڭ اكىمى ارحيمەد مۇحامبەتوۆ يراندىق «دجاحار-ە-سابز» كومپانياسىنىڭ باسشىسى سەيىت ءالي اكبار حوسسەينيمەن ىسكەرلىك كەزدەستى.

حوسسەينيدىڭ ايتۋىنشا، قازاقستاندا جۇمىس ىستەگەن جىلدارى ينۆەستيتسيا كولەمى 20 ميلليون دوللاردى قۇرادى. ەلدىڭ باتىسىندا يراندىقتار قۇس فابريكاسىن ىسكە قوستى، وڭتۇستىك اۋدانداردا كوگالداندىرۋ ءىسى قولعا الىندى.

قوستاناي وبلىسىندا يراندىق كومپانيا اۋىل شارۋاشىلىعى ماقساتىنداعى 100 مىڭ گەكتار جەردى يەگرۋدى جوسپارلاپ وتىر. بيزنەسمەندەر ول جەردە ماي داقىلدارىن، سونداي-اق ءداستۇرلى استىق داقىلدارىن وسىرمەك.

قوستاناي وبلىسىنىڭ اكىمى ينۆەستورلارعا قولداۋ كورسەتۋگە ءازىر ەكەندىگىن ايتتى. ول جەرگىلىكتى استىق وندىرۋشىلەر جاڭا تەرمينالدارعا مۇقتاج ەكەنىن ناقتىلادى. ولار ونىڭ كومەگىمەن ءوز ونىمدەرىن تىكەلەي شەتەلدىك ارىپتەستەرگە جونەلتە الادى.

يران بيزنەسمەندەرىمەن كەلىسسوزدەر جالعاسادى، ولاردىڭ اياقتالۋى بويىنشا جەرگىلىكتى بيلىكپەن بىرنەشە مەموراندۋمعا قول قويۋ جوسپارلانعان.