قىتاي ەلىنىڭ عالىمدارى بالا كوزىنىڭ قاراشىعىن ءوسىرىپ شىعاردى
مەديكتەر ادەتتە مۇنداي وپەراتسيا ءۇشىن جاساندى لينزالاردى قولداناتىن. ءبىراق، Nature باسىلىمىنىڭ حابارلاۋىنشا، حيرۋرگتەر باعانالىق جاسۋشالاردىڭ كومەگىمەن كوزدىڭ ىشىنەن قاراشىقتى جاڭادان ءوسىرىپ شىعارعان.
ساراپشىلار بۇل وپەراتسيانى مەديتسيناداعى ەڭ ۇزدىك باستامالاردىڭ ءبىرى دەپ اتادى. وپەراتسيا كەزىندە دارىگەرلەر سۋقاراڭعىعا شالدىققان قاراشىقتى كوزدىڭ قاساڭ قابىعىن از عانا ەتىپ ءتىلىپ، الىپ تاستايدى. وسىنىڭ ارقاسىندا قاراشىقتىڭ سىرتقى قاباتى امان ساقتالىپ قالادى. ال ونىڭ ىشىندە تولىپ جاتقان ەپيتەليلى باعانالىق جاسۋشالار بار. دارىگەرلەر تاپ وسى جاسۋشالاردى ءوسىرىپ، جاڭا قاراشىقتى قالىپتاستىرادى ەكەن. قازىر وسى ادىسپەن كوز قاراشىقتارى وسىرىلگەن 12 بالانىڭ كورۋ قابىلەتى تولىقتاي قالىپقا كەلتىرىلگەن. دارىگەرلەر وسى ۇزدىك تاجىريبەنىڭ كومەگىمەن قارت ادامداردىڭ دا كاتاراكتا دەرتىن ەمدەپ جازۋدى كوزدەپ وتىر.
www.24.kz
