تۇرعىن ءۇي قۇرىلىسىنا كەپىلدىك بەرۋ قورى قۇرىلادى
زاڭ جوباسى بويىنشا تۇرعىن ءۇي قۇرىلىسىنا قاتىسۋدىڭ جاڭا تاسىلدەرى قالىپتاساتىن بولادى. سونىڭ اياسىندا تۇرعىن ءۇي قۇرىلىسىنا كەپىلدىك بەرۋ قورىن قۇرۋ قاراستىرىلادى. اتالعان كەپىلدىك بەرۋ قورى تۇرعىن ءۇي عيماراتىنىڭ قۇرىلىسىن اياقتاۋعا، ۇلەسكەرلەر تۇرعىن ءۇي عيماراتىنداعى ۇلەستى بەرۋگە كەپىلدىك بەرۋدى جۇزەگە اسىرادى، ونىڭ جارعىلىق كاپيتالىنا مەملەكەت قاتىسىپ، ۇكىمەت شەشىمى بويىنشا اكسيونەرلىك قوعامنىڭ ۇيىمدىق- قۇقىقتىق نىسانىندا قۇرىلاتىن كوممەرتسيالىق ەمەس ۇيىم بولىپ تابىلادى. سونىمەن قاتار كەپىلدىك بەرۋ قورى قارجىلىق تۇراقتىلىق پەن تاجىريبەنىڭ بولۋى بويىنشا ۇلەستىك قۇرىلىسقا قاتىسۋشىلاردىڭ بىلىكتىلىك تالاپتارىن بەكىتەدى. ۇلەسكەرلەر قاراجاتىنىڭ نىسانالى پايدالانىلۋىنا باقىلاۋ جاساۋ تەتىگىن ەنگىزەدى.
«كەپىلدىك بەرۋ قورى بويىنشا قۇرىلىس سالۋشى جانە ۋاكىلەتتى كومپانيا اراسىنداعى كەپىلدىك شارتى ۇلەسكەرلەردىڭ قاراجاتىن تارتۋعا نەگىزدەمە بولادى. ۋاكىلەتتى كومپانيا تۇرعىن ءۇي عيماراتى بويىنشا ءوز مىندەتتەمەلەرىن ورىنداماعان جاعدايدا «بايتەرەك» حولدينگى جانىنا قۇرىلاتىن تۇرعىن ءۇي قۇرىلىسىنىڭ كەپىلدىك بەرۋ قورى ۇلەسكەرلەرگە قۇرىلىستى اياقتاۋعا جانە پاتەرلەرىن بەرۋگە كەپىلدىك بەرەتىن بولادى»، - دەدى ۇلتتىق ەكونوميكا ۆيسە- ءمينيسترى مارات قۇسايىنوۆ.
اۆتور: قانات مامەتقازى ۇلى
