قازاقستان مەن ۋكراينا تاراس شيەۆچەنكو تۋرالى فيلم تۇسىرەدى
دەپ حابارلادى Cultprostir.ua.
«تارازي. شولمەن قوشتاسۋ» فيلمىن بيىل ودەسسا وبلىسىنىڭ اۋماعىندا، سونىمەن قاتار قازاقستاندا تۇسىرەدى. ونى مەملەكەتتىك كينو كوميتەتىنىڭ قولداۋىمەن تۇسىرەدى. لەنتا ۋكراينالىق- قازاقستاندىق ءونىم. ونى «ودەسسا كينوستۋدياسى» مەن الماتىلىق Sky Production ستۋدياسى تۇسىرەدى.
كوبزاردىڭ ءرولىن وينايتىن ادامعا كاستينگ وتەدى. وعان كەز- كەلگەن ادام قاتىسا الادى.
ءوتىنىش بەرگەندەردىڭ اراسىنان 10 كانديدات تاڭدالادى، ولار شيەۆچەنكو وبرازىنا ەنۋ ءۇشىن باسەكەلەسەدى.
لەنتا رەجيسسەرى ۋكراينالىق كينوسۋرەتشى جانە جازۋشى الەكساندر دەنيسەنكو. سونداي- اق ول فيلم سسەناريىنىڭ اۆتورى. بۇل ءماتىن تاراس شيەۆچەنكونىڭ 200 جىلدىعىنا ارنالعان حالىقارالىق كينوسسەناريلەر بايقاۋىندا ۇزدىك اتانعانداردىڭ ءبىرى بولدى.
الەكساندر دەنيسەنكو كوبزار ءومىرىنىڭ قازاقستانداعى كاسپي تەڭىزىنىڭ جاعالاۋىنداعى نوۆوپەتروۆ بەكىنىسىندە قىزمەت ەتكەن سوڭعى جىلدارىن باياندايدى.
