08:18, 10 - ناۋرىز 2016 | GMT +5
زەينەتكەردىڭ ۇيىمداستىرۋمەن «عاسىر ۇرلىعىن» جاساعان بەس ادام سوتتالدى
استانا. قازاقپارات - بريتانيانىڭ حاتتون-گاردەن زەرگەرلىك اۋدانىندا سەيفتەر قويماسىن تونادى دەگەن ايىپپەن جەرگىلىكتى بەس تۇرعىن 7 جىلعا اباقتىعا قامالدى، دەپ حابارلايدى 24.kz.
ولار قۇنى 14 ميلليون فۋنتقا باعالانعان التىن، گاۋھار جانە جاقۇت تاستاردى ۇرلاعان. قىلمىستى ۇيىمداستىرۋشى 76 جاستاعى برايان ريدەر ينسۋلتىنە بايلانىستى سوت وتىرىسىنا قاتىسا المادى.
وعان قاتىستى ۇكىم كەيىندەۋ شىعادى، دەپ جازادى BBC اگەنتتىگى. ەل تاريحىنداعى ەڭ ءىرى توناۋ وقيعاسى وتكەن جىلدىڭ ءساۋىر ايىندا ءدىني مەرەكە كەزىندە جاسالعان.
پوليتسيا قىلمىستى مەرەكە بىتكەن سوڭ ءبىراق بىلگەن. ال ايىپتالۋشىلار Hatton Garden Safe Deposit جەراستى قويماسىنا بەتون قابىرعانى تەسىپ كىرىپ، 56 سەيفتى قولدى قىلعان.
