ەرەكشە قۇبىلىس: ەگىزدەر ەكى اكەدەن تۋعان
بۇل مىسىقتا ءجيى كەزدەسەدى، الايدا ادامدا سيرەك بولاتىن قۇبىلىس. ول ۆەتنامدا العاش رەت تىركەلىپ وتىر، دەپ جازادى رەسەيلىك vesti.ru باسىلىمى.
Viet Nam News حابارلاۋىنشا، ەگىزدەر بۇدان ەكى جىل بۇرىن دۇنيەگە كەلگەن. ولاردىڭ اتا-انالارى سابيلەردىڭ ءبىر بىرىنە ۇقسامايتىنىن بايقاعان. ويتكەنى، ءبىرىنىڭ شاشى بۇيرا، ەكىنشىسىنىكى ءتۇزۋ ءارى ۇزىن. تۋىستارىنىڭ ىقپالىمەن 34 جاستاعى بالالاردىڭ اكەسى دنك تەستىن تاپسىرعان. ساراپتاما ۇلداردىڭ گەندەرى ءارتۇرلى ەكەندىگىن كورسەتكەن. ياعني، ساراپشىلار ءبىر ۇلدىڭ اكەسى كەلىنشەكتىڭ نەكەلى كۇيەۋى ەمەستىگىن انىقتاعان. ول ەگىزدىڭ تۇڭعىشىنان ەكى تاۋلىكتەن كەيىن بارىپ بويعا بىتكەن بولىپ شىقتى.
پەرزەنتحانادا بالانى اۋىستىرىپ الۋ مۇمكىن. وسى بولجامدى جوققا شىعارۋ ءۇشىن ەگىزدەردىڭ شەشەسى دە تالداۋ تاپسىردى. تەست ونىڭ ەكى ۇلدىڭ تۋعان اناسى ەكەندىگىن كورسەتتى.
قازىر وتباسى حانويداعى گەنەتيكالىق تالداۋ ورتالىعىنا وسى فەنومەندى زەرتتەۋ باعدارلاماسىنا كەلىسىمىن بەردى. تەك بالالاردىڭ جانە اتا-اناسىنىڭ اتى-ءجونى، مەكەن-جايى قۇپيا ۇستالادى دەگەن شارت قويىلدى.
ازىرگە الەمدە ءارتۇرلى اكەنىڭ ۇرىعىنان جارالعان 10 ەگىزدەر جۇبى بار.
ونىڭ ءبىرى پولشادا، ءبىرى - يسپانيادا، ەكەۋى ا ق ش- تا، تاعى ەكەۋى ءۇندىستاندا تىركەلگەن.
