استانادا شوكولادتان جاسالعان بۇيىمدار كورمەسى وتەدى
قالا تۇرعىندارى مەن قوناقتارى شوكولاد تاريحىمەن جانە تانىمال شەبەر- شوكولاتە نيكولاي پوپوۆتىڭ شوكولادتان جاسالعان زاتتارىمەن تانىسىپ، ءوز قولدارىمەن شوكولادتان ءتۇرلى بىرەگەي زاتتار جاساۋ مۇمكىندىگىنە يە بولادى.
ايگىلى كورمە الەمنىڭ 40 تان استام قالاسىندا بولىپ، ونى جارتى ميلليونعا جۋىق ادام تاماشالاعان.
استانادا وتە جوعارى ساپاداعى شوكولادتان جاسالعان 300 استام ونەر تۋىندىسى كوپشىلىك نازارىنا ۇسىنىلادى. جالپى سالماعى 700 كگ ارتىق شوكولاد پەن مارتسيپان مۇسىندەر، شوكولاد باگەتتەرمەن جيەكتەلگەن كارتينالار، شوكولاد مينياتيۋرالار، ينستاللياتسيالار، كومپوزيتسيالار جانە ت. ب. بۇيىمدار بولادى.
باستى ەرەكشەلىك - قازاقستانعا، سونىڭ ىشىندە استاناعا ارنالعان شوكولاد زاتتاردىڭ ارنايى سەرياسى جاسالادى.
كورمەدە شەبەردىڭ بىرەگەي تەحنولوگياسىمەن ورىندالعان ەكسكليۋزيۆتى شوكولاد كادەسىيلار ساتىپ الۋعا بولادى. سونداي- اق، كەلۋشىلەر شەبەرلىك دارىستەرىنە قاتىسىپ، ءوز قولىمەن ءتاتتى- دامدىلەر ازىرلەۋدى ۇيرەنەدى. شوكولاد تاريحى تۋرالى قىزىقتى فيلم كورسەتىلەدى. كورمە تاۋەلسىزدىك سارايىندا وتەدى.
